નવા વર્ષની શરૂઆત પહેલા જ, રિઝર્વ બેંક ઓફ ઈન્ડિયા (RBI) એ મોનેટરી પોલિસી કમિટીની બેઠકના છેલ્લા દિવસે 7 ડિસેમ્બર, બુધવારે રેપો રેટ વધારીને 6.25% કરી દીધો છે. રેપો રેટમાં ફેરફારની અસર હવે તમારા ખિસ્સા પર પણ પડશે. ખાસ કરીને એવા લોકો પર કે જેમણે ઘર ખરીદવા માટે હાઉસ લોન લીધી છે, અથવા તે લેવા તૈયાર છે.

રેપો રેટમાં વધારો તમારા ખિસ્સા પર કેવી અસર કરશે?

RBIના રેપો રેટ વધવાથી તમારા ખિસ્સા પર પણ અસર પડશે. રેપો રેટમાં વધારા સાથે હવે ઘર ખરીદવા માટે હોમ લોન લેવી પહેલા કરતા મોંઘી થઈ જશે. તેનાથી હોમ લોન પર વ્યાજ અને EMI પણ વધશે. રેપો રેટમાં વધારા પહેલા હોમ લોન પર વ્યાજ દર 8.40% હતો, જે રેપો રેટમાં વધારા પછી 8.75% થઈ જશે. તેનાથી દર મહિને EMIના હપ્તામાં પણ વધારો થશે. 20 વર્ષ માટે રૂ. 25 લાખ સુધીની લોન માટે વાર્ષિક 6,660 વધુ EMI અને તે જ સમયગાળા માટે રૂ. 40 લાખ સુધીની લોન માટે વાર્ષિક રૂ. 10,656 વધુ છે.

આ વર્ષે પણ હોમ લોન મોંઘી થઈ છે

આરબીઆઈએ આ વર્ષની શરૂઆતમાં પણ રેપો રેટમાં વધારો કર્યો છે, જેની અસર હોમ લોન પર પડી છે. મે મહિનામાં મળેલી મોનેટરી પોલિસી કમિટીની બેઠકમાં રેપો રેટમાં 0.40%નો વધારો કરવામાં આવ્યો હતો. આ પછી આરબીઆઈએ જૂનમાં રેપો રેટમાં 0.50%નો વધારો કર્યો હતો. ત્યારબાદ આરબીઆઈએ ઓગસ્ટમાં રેપો રેટમાં 0.50% અને સપ્ટેમ્બરમાં પણ 0.50%નો વધારો કર્યો હતો. મેથી સપ્ટેમ્બર સુધી આરબીઆઈએ રેપો રેટમાં 1.90%નો વધારો કર્યો છે. રેપો રેટમાં દરેક વધારા સાથે હોમ લોન પરનું વ્યાજ અને EMI પણ વધ્યું છે.