નબળી શરૂઆત બાદ તેજીમાં શેરબજાર, સેન્સેક્સ-નિફ્ટીમાં ઉતાર-ચઢાવ, આઈટી સ્ટોક પર દબાણ

શુક્રવારે શેરબજારની શરૂઆત પણ ઘટાડા સાથે થઈ હતી. જો કે, પાછળથી તે સુધર્યું અને સેન્સેક્સ-નિફ્ટી લીલા નિશાન પર આવ્યા. શરૂઆતના કારોબારમાં નિફ્ટી 50 લગભગ 4 પોઈન્ટના વધારા સાથે 18057ના સ્તરે હતો. જયારે, સેન્સેક્સ 42 અંકોના વધારા સાથે 60878 પર છે.

બજાજ ફિન સર્વ, ટાટા સ્ટીલ, મહિન્દ્રા એન્ડ મહિન્દ્રા, NTPC, રિલાયન્સ ઇન્ડસ્ટ્રીઝ જેવા શેરો સેન્સેક્સ પર લીલા નિશાન પર હતા, જ્યારે ICICI, ઇન્ફોસિસ, TCS જેવા શેરો લાલ નિશાન પર હતા. ત્રીસ શેરોના આધારે બીએસઈનો મુખ્ય સંવેદનશીલ સૂચકાંક સેન્સેક્સ 138 પોઈન્ટના ઘટાડા સાથે 60698ના સ્તરે ખૂલ્યો હતો. જયારે, નેશનલ સ્ટોક એક્સચેન્જનો નિફ્ટી 18052 ના સ્તર પર છે.

બેન્ક ઓફ ઈન્ડિયાનો ચોખ્ખો નફો બીજા ક્વાર્ટરમાં 10 ટકા ઘટ્યો છે

ચાલુ નાણાકીય વર્ષના બીજા ક્વાર્ટરમાં જાહેર ક્ષેત્રની બેન્ક ઓફ ઈન્ડિયા (BoI)નો ચોખ્ખો નફો 10 ટકા ઘટીને રૂ. 960 કરોડ થયો છે. બેડ લોન માટેની જોગવાઈ બમણાથી વધુ વધીને 1,912 કરોડ રૂપિયા થઈ છે. જેના કારણે બેંકનો નફો ઘટ્યો છે.

એક વર્ષ અગાઉના સમાન સમયગાળામાં બેડ લોન માટેની જોગવાઈ રૂ. 894 કરોડ હતી. આવકમાં ઘટાડાનું બીજું કારણ વધુ વ્યાજ ખર્ચ છે, જે સમીક્ષા હેઠળના ત્રિમાસિક ગાળામાં વધીને 6,414 કરોડ રૂપિયા થયો છે જે એક વર્ષ અગાઉના ગાળામાં 6,000 કરોડ રૂપિયા હતો. જૂનમાં અત્યાર સુધીમાં 31,430 કરોડ રૂપિયાના શેરનું વેચાણ કર્યું છે