જો કે અત્યારે Zomato ના શેરમાં થોડી રિકવરી જોવા મળી રહી છે, પરંતુ શરૂઆતના બે દિવસ- સોમવાર અને મંગળવારના રોજ કંપનીના રોકાણકારોને ઘણું નુકસાન થયું છે. માત્ર બે દિવસમાં ઝોમેટોનો સ્ટોક 20 ટકાથી વધુ તૂટ્યો હતો. જો કે, આ દરમિયાન Zomato એ પણ આવો નિર્ણય લીધો છે, જેનાથી કર્મચારીઓને ઘણો ફાયદો થશે. આ કારણે Zomato ના સ્ટોક ક્રેશ થવાની પ્રક્રિયા પણ અટકી શકે છે.

વાસ્તવમાં ઝોમેટોએ તેની ESOP (એમ્પ્લોયી સ્ટોક ઓપ્શન સ્કીમ) દ્વારા કર્મચારીઓને 4.66 કરોડ શેર જારી કર્યા છે. આ કર્મચારીઓને પ્રતિ શેર 1 રૂપિયાના દરે આપવામાં આવે છે. કર્મચારીઓ માટે, આ વર્તમાન શેર સ્તરથી 98 % ડિસ્કાઉન્ટ છે. Zomato દ્વારા આપવામાં આવેલી માહિતી અનુસાર, ફાળવવામાં આવેલા શેરની સંખ્યા 4,65,51,600 છે.

તમને જણાવી દઈએ કે Zomato નો સ્ટોક 40.55 રૂપિયાના ઓલ ટાઈમ લો લેવલ પર પહોંચી ગયો છે. તાજેતરમાં આ કંપનીએ શેરબજારમાં એક વર્ષ પૂર્ણ કર્યું છે. ઝોમેટોનો IPO સફળ રહ્યો હતો કારણ કે BSE પર IPO ની કિંમત 76ની સામે 51 ટકાના પ્રીમિયમ સાથે રૂ. 115 પર લિસ્ટેડ થઈ હતી.

તેની સર્વકાલીન ઉચ્ચતમ રૂ. 169.10 છે, જે 16 નવેમ્બર 2021 ના રોજ હતી. જો કે, ત્યારથી નીચે તરફનો ટ્રેન્ડ ચાલુ રહ્યો છે. વર્તમાન સ્થિતિ પર નજર કરીએ તો, સ્ટોક ઓલ ટાઈમ હાઈથી 78 ટકા તૂટ્યો છે.