બોલિવૂડ અભિનેતા કાર્તિક આર્યનનું નસીબ આ દિવસોમાં સતત ચમકી રહ્યું છે. ‘ભૂલ ભુલૈયા 2’ ની અપાર સફળતા બાદ તેની તમામ ફિલ્મોની એક પછી એક જાહેરાત થઈ રહી છે. હવે કાર્તિકની વધુ એક ફિલ્મની જાહેરાત કરવામાં આવી છે.

કાર્તિક આર્યન ‘આશિકી 3’ માં જોવા મળશે. ફિલ્મની જાહેરાતની સાથે જ તેમને એક પ્રોમો પણ શેર કર્યો છે, જેના પર ‘આશિકી 3’ લખેલું છે. અનુરાગ બાસુ ફિલ્મનું નિર્દેશન કરશે, જ્યારે ભૂષણ કુમાર અને મુકેશ ભટ્ટ ફિલ્મનું પ્રોડ્યુસ કરશે.

‘આશિકી 3’ માં કાર્તિક આર્યન લીડ રોલમાં જોવા મળશે, પરંતુ હાલમાં આ ફિલ્મમાં શ્રદ્ધા કપૂરનું સ્થાન કઈ અભિનેત્રી લેશે તેની જાહેરાત હજુ બાકી છે. તમને જણાવી દઈએ કે, 1990 માં આવેલી ફિલ્મ ‘આશિકી’ એ બોક્સ ઓફિસ પર જોરદાર કમાણી કરી હતી. રાહુલ રોય આ ફિલ્મમાં અનુ અગ્રવાલ સાથે જોવા મળ્યો હતો. આ જોડી સાથેની ફિલ્મના ગીતને ઘણી લોકપ્રિયતા મળી હતી. તે જ સમયે, 2013 માં ફિલ્મ ‘આશિકી 2’ એ પણ સારો દેખાવ કર્યો હતો, જેમાં આદિત્ય રોય કપૂરની જોડી શ્રદ્ધા કપૂર સાથે જોવા મળી હતી.