અક્ષય કુમારના હેરસ્ટાઈલિસ્ટ મિલન જાધવનું નિધન, 15 વર્ષથી અભિનેતા સાથે કામ કરી રહ્યા હતા

અક્ષય કુમારના હેરસ્ટાઈલિસ્ટ મિલન જાધવ ઉર્ફે મિલાનોનું નિધન થયું છે. મિલાનો છેલ્લા 15 વર્ષથી અક્ષય કુમાર માટે કામ કરી રહ્યો હતો. તેમના મૃત્યુના સમાચારથી અભિનેતા ખૂબ જ દુઃખી છે. અક્ષયે ઈન્સ્ટાગ્રામ પર એક પોસ્ટ શેર કરવાની સાથે તેના હેરસ્ટાઈલિસ્ટના મૃત્યુના સમાચાર પણ શેર કર્યા હતા.

અક્ષય કુમારે પોસ્ટમાં મિલન જાધનને શ્રદ્ધાંજલિ આપતા લખ્યું છે કે, ‘તમે તમારી ફંકી હેરસ્ટાઈલ અને સ્મિત સાથે ભીડમાંથી અલગ ઊભા હતા. હંમેશા ધ્યાન રાખતો કે, મારા એક પણ વાળ ખરાબ ન થાય. સેટનું જીવન, મારા હેરસ્ટાઈલિસ્ટ 15 વર્ષથી વધુ સમયથી… મિલન જાધવ. હજુ પણ વિશ્વાસ નથી થતો કે તમે અમને છોડીને ચાલ્યા ગયા છો… હું તમને મિસ કરીશ મિલાનો ઓમ શાંતિ.’

તમને જણાવી દઈએ કે મિલન જાધન ફિલ્મ ઈન્ડસ્ટ્રીમાં મિલાનો તરીકે ઓળખાતા હતા. અક્ષય કુમાર સિવાય તે અન્ય ઘણી સેલિબ્રિટીઓના હેરસ્ટાઈલિસ્ટ પણ હતા. કરીના કપૂર અને કિયારા અડવાણી સાથેની તેની તસ્વીરો પણ સોશિયલ મીડિયા પર જોવા મળી છે. મિલાનો અક્ષય કુમાર સાથે 15 વર્ષથી કામ કરી રહ્યો હતો. અક્ષયે તેની પોસ્ટમાં કહ્યું કે તે સેટ પર હંમેશા ધ્યાન રાખતો હતો કે ફિલ્મના કોઈપણ સીન દરમિયાન અક્ષયના વાળ બગડે નહીં. અક્ષય કુમારની સાથે, મિલાનોનું કામ અન્ય ઘણા સ્ટાર્સને પણ પસંદ આવ્યું હતું.

મિલાનોના મૃત્યુનું કારણ હજુ સામે આવ્યું નથી, પરંતુ અક્ષય કુમાર તેમના જવાથી ખૂબ જ દુખી છે. વર્કફ્રન્ટની વાત કરીએ તો, અક્ષય કુમારની ફિલ્મ ‘કટપુતલી’ આ દિવસોમાં OTT પર શાનદાર કામ કરી રહી છે. તેની આગામી ફિલ્મો ‘રામ સેતુ’, ‘યોધા’ અને ‘ઓ માય ગોડ’ છે.