બોક્સ ઓફિસ પર ‘બ્રહ્માસ્ત્ર’ કરી શકે છે કમાલ, એડવાન્સ બુકિંગમાં જોવા મળ્યો ભારે ઉત્સાહ

રણબીર કપૂર અને આલિયા ભટ્ટ સ્ટારર ફિલ્મ ‘બ્રહ્માસ્ત્ર’ 9 સપ્ટેમ્બરે સિનેમાઘરોમાં રિલીઝ થશે અને આ બોલિવૂડ ફિલ્મ પાસેથી ઘણી અપેક્ષાઓ છે. ફિલ્મ માટે એડવાન્સ બુકિંગ શુક્રવારથી શરૂ થયું હતું અને થિયેટરોમાં ફિલ્મ વિશે ઘણો સકારાત્મક પ્રતિસાદ મળ્યો હતો. ફિલ્મને મળેલા રિસ્પોન્સ બાદ માનવામાં આવી રહ્યું છે કે, કોરોના મહામારી બાદ આ ફિલ્મ બોક્સ ઓફિસ પર સારી કમાણી કરી શકે છે.

ફિલ્મ ટ્રેડ એનાલિસ્ટ તરણ આદર્શે આ અંગે ટ્વિટ કરીને જણાવ્યું છે કે, ‘બ્રહ્માસ્ત્ર’ની એડવાન્સ બુકિંગ માત્ર એક જ દિવસમાં 10,000 નો આંકડો પાર કરી ગઈ છે. તેમણે ટ્વીટ કરીને માહિતી આપી, “એડવાન્સ બુકિંગ સ્ટેટસ, આખરે ઉદ્યોગ માટે રાહતના સમાચાર, બ્રહ્માસ્ત્રના દૈનિક એડવાન્સ બુકિંગના આંકડા સામે આવ્યા છે. આ આંકડા મલ્ટિપ્લેક્સના છે. પ્રથમ દિવસે 11,558 ટિકિટનું વેચાણ થયું છે.

અહેવાલો અનુસાર, KGF 2 પછી, ફિલ્મ સૌથી વધુ એડવાન્સ બુકિંગ બની શકે છે. ફિલ્મની શરૂઆત સકારાત્મક છે અને ‘બ્રહ્માસ્ત્ર’ કેવું પ્રદર્શન કરશે તે જોવું રહ્યું.

તમને જણાવી દઈએ કે ‘બ્રહ્માસ્ત્ર’ને ત્રણ ભાગની ફિલ્મ ફ્રેન્ચાઇઝી તરીકે પ્લાન કરવામાં આવી છે. તેનો પ્રથમ ભાગ રણબીર કપૂર દ્વારા ભજવવામાં આવેલ શિવ પર કેન્દ્રિત છે. અયાન મુખર્જી દ્વારા નિર્દેશિત આ ફિલ્મ હિન્દી, તમિલ, તેલુગુ, કન્નડ અને મલયાલમ એમ પાંચ ભાષાઓમાં રિલીઝ થશે. ભાવિ સ્ટ્રેચ વિશે બોલતા, અયાને અગાઉ શેર કર્યું હતું, “અમે પ્રથમ ફિલ્મ રિલીઝ થયા પછી બીજા અને ત્રીજા ભાગ માટે શૂટિંગ કરવાની યોજના બનાવીશું. ત્રણેય ફિલ્મો એક જ વાર્તા કહેશે પરંતુ આગામી ફિલ્મો નવા પાત્રો રજૂ કરશે. અને બ્રહ્માસ્ત્ર વાર્તામાં નવા દ્રષ્ટિકોણ લાવીશું.”