‘દિલ્હી ક્રાઈમ’ ની સફળતા બાદ હવે દર્શકો તેની સીઝન-2 ની રાહ જોઈ રહ્યા છે. આ વેબ સિરીઝની બીજી સીઝનનું ટ્રેલર રિલીઝ થઈ ગયું છે. ‘દિલ્હી ક્રાઈમ સીઝન 2’ માં વૃદ્ધોની નિર્દય હત્યાને દેખાડવામાં આવશે જે ટ્રેલરમાં સ્પષ્ટ જોવા મળી રહ્યું છે. આ સીરીઝની પ્રથમ સીઝન દિલ્હીના પ્રખ્યાત નિર્ભયા કેસ પર આધારિત હતી, જેને દર્શકોએ ખૂબ પસંદ કરી હતી. ટ્રેલરમાં શેફાલી શાહ દક્ષિણ દિલ્હીના ડીસીપી વર્તિકાના રોલમાં જોવા મળશે. પ્રથમ સિઝનમાં પણ તેની ભૂમિકાએ દર્શકોનું ઘણું ધ્યાન ખેંચ્યું હતું.

‘દિલ્હી ક્રાઈમ’ સિરીઝ નેટફ્લિક્સ પર 26 ઓગસ્ટના રોજ સ્ટ્રીમ કરવામાં આવશે. આ વેબ સિરીઝમાં ફરી એકવાર રસિકા દુગ્ગલ અને રાજેશ તેલંગ દર્શકોનું મનોરંજન કરતા જોવા મળશે. તમને જણાવી દઈએ કે, ‘દિલ્હી ક્રાઈમ’ ભારતના સૌથી લોકપ્રિય OTT પ્લેટફોર્મ Netflix ની સૌથી વધુ ચર્ચિત વેબ સીરીઝમાંની એક રહી છે. તેની સીઝન 2 પણ ઘણા સમયથી ચર્ચામાં છે. પ્રથમ સિઝન જોઈ ચૂકેલા ચાહકો તેની આગામી સિઝનની આતુરતાથી રાહ જોઈ રહ્યા છે.

આ વખતે ડીસીપી વર્તિકા ચતુર્વેદી ગત વખત કરતા વધુ દિલ્હીમાં ગુનાખોરી રોકવાનો પ્રયાસ કરતા જોવા મળશે, જેમાં તેલાંગ તેમની મદદ કરતો જોવા મળશે. મયંક તિવારી, શુભ્રા સ્વરૂપ અને ઈંશિયા મિર્ઝાએ ‘દિલ્હી ક્રાઈમ’ ની બીજી સીઝનની વાર્તા લખી છે. તેના ડાયલોગ વિરાટ બસોયા અને સંયુક્તા ચાવલા શેખે લખ્યા છે.

તમને જણાવી દઈએ કે, શેફાલી શાહ બોલિવૂડની શ્રેષ્ઠ અભિનેત્રીઓમાંની એક છે. ‘દિલ્હી ક્રાઈમ’ માં તેના અભિનયને સારો પ્રતિસાદ મળ્યો હતો અને તે બીજી સીઝનમાં પણ દર્શકોનું ધ્યાન ખેંચવા માટે તૈયાર છે. હાલમાં જ તે આલિયા ભટ્ટની ફિલ્મ ‘ડાર્લિંગ’ માં જોવા મળી હતી. આ ફિલ્મમાં તે આલિયાની માતાનું પાત્ર ભજવતી જોવા મળી રહી છે.