હની સિંહ અને પત્ની શાલિની તલવારના છૂટાછેડા, સિંગરને સમાધાન માટે મોટી રકમ ચૂકવવી પડી

પ્રખ્યાત ગાયક હની સિંહ અને તેની પત્ની શાલિની તલવારે છૂટાછેડા લીધા છે. ગયા વર્ષે શાલિનીએ હની સિંહ પર ઘરેલુ હિંસા અને અન્ય મહિલાઓ સાથે સંબંધોનો આરોપ લગાવ્યો હતો. તેણે દિલ્હીની તીસ હજારી કોર્ટમાં છૂટાછેડા માટે અરજી કરી હતી. રિપોર્ટ અનુસાર, હની સિંહે સેટલમેન્ટ તરીકે એક કરોડ રૂપિયા ચૂકવવાના છે. દિલ્હીની સાકેત જિલ્લા કોર્ટની ફેમિલી કોર્ટના જજ વિનોદ કુમારે આ ચુકાદો આપ્યો હતો. હની સિંહે એક કરોડનું સીલબંધ પરબિડીયું શાલિનીને આપ્યું છે.

કેસની આગામી સુનાવણી 20 માર્ચ 2023 ના રોજ થશે જેમાં આગામી પ્રસ્તાવની સુનાવણી કરવામાં આવશે. તમને જણાવી દઈએ કે શાલિનીએ ડોમેસ્ટિક વાયોલન્સ, પ્રોટેક્શન ઑફ વુમન એક્ટ હેઠળ 20 કરોડનું ભથ્થું માંગ્યું હતું. હવે તેમની વચ્ચે એક કરોડનો કરાર થયો હતો. હની સિંહ અને શાલિનીએ વર્ષ 2011માં લગ્ન કર્યા હતા. હવે તેઓ સત્તાવાર રીતે અલગ થઈ ગયા છે.

ગયા વર્ષે ઓગસ્ટમાં હની સિંહ તીસ હજારી કોર્ટમાં હાજર થવાનો હતો. પરંતુ બીજી વખત તે કોર્ટમાં હાજર ન થતાં કોર્ટે તેને સખત ઠપકો આપ્યો હતો.

3 સપ્ટેમ્બર 2021 ના રોજ, હની સિંહે એક અરજી દાખલ કરી હતી અને કેસની ઇન-કેમેરા સુનાવણી માટે વિનંતી કરી હતી. દિલ્હીની તીસ હજારી કોર્ટમાં સુનાવણી દરમિયાન જજે હની સિંહ અને શાલિની તલવારને પોતાની ચેમ્બરમાં બોલાવીને ખુલાસો કર્યો હતો. બંનેને પરસ્પર વાતચીત દ્વારા આ વિવાદ ઉકેલવા પણ સૂચન કરવામાં આવ્યું હતું.