તારક મહેતા કા ઉલ્ટા ચશ્માના ચાહકોને છેલ્લી વખત ચાર વર્ષથી માત્ર એક જ વાતની રાહ જોઈ રહ્યા છે તે દયાબેનની વાપસી શોમાં ક્યારે થશે. આ સવાલો પૂછીને આ શોના ચાહકો હેરાન થઈ ગયા છે પરંતુ અત્યાર સુધી તેમને તેનો યોગ્ય જવાબ મળ્યો નથી. રાહ લાંબી થઈ રહી છે અને દયાબેન એટલે કે દિશા વાકાણી શોમાંથી ગુમ છે. હવે જે સમાચાર આવી રહ્યા છે તેના પરથી લાગી રહ્યું છે કે, ચાહકોની નિરાશા ફરી વધવાની છે. કેમકે સમાચાર છે કે, દિશા વાકાણી બીજી વખત માતા બનવા જઈ રહી છે અને હવે શોમાં તેની વાપસીની શક્યતાઓ નહિવત જોવા મળી રહી છે.

 

આ દિવસોમાં સોશિયલ મીડિયા પર એક તસ્વીર વાયરલ થઈ રહી છે જેમાં દિશા વાકાણી બેબી બમ્પ સાથે બ્લૂ કલરની ડ્રેસમાં જોવા મળી રહી છે. આ તસ્વીરો વાયરલ થયા બાદ જ અનુમાન લગાવવામાં આવી રહ્યું છે કે દિશા વાકાણી ફરી એક વખત માતા બનવા જઈ રહી છે અને તેથી તે શોમાં વાપસી કરશે નહીં. તેમ છતાં આ તસ્વીર ક્યારે લેવામાં આવી છે, કેટલી નવી અને કેટલી જૂની છે તે અંગે કોઈ પુષ્ટિ થઈ નથી. પરંતુ આજકાલ આ તસ્વીર સોશિયલ મીડિયા પર છવાયેલી છે. અને તેના કારણે દયાબેન અને આ શોના ચાહકો ખૂબ જ નિરાશ છે.

 

 

નવેમ્બર 2017 માં દિશા વાકાણીએ એક સુંદર દીકરીને જન્મ આપ્યો હતો. તે આ શોમાંથી મેટરનિટી લીવ પર ચાલી ગઈ હતી. દીકરીના જન્મને 4 વર્ષ પસાર થઈ ગયા છે પરંતુ હજુ સુધી તે તારક મહેતા કા ઉલ્ટા ચશ્મામાં કમબેક કરી શકી નથી. દિશા વાકાણીના દર્શકો અને ચાહકો તેને ખૂબ જ મિસ કરી રહ્યા છે અને સોશિયલ મીડિયા પર તેની વાપસી અંગે અવારનવાર પ્રશ્નો પૂછવામાં આવે છે. તેમ છતાં એવી અપેક્ષા હતી કે, દિશા ટૂંક સમયમાં શોમાં જોવા મળશે કારણ કે અત્યાર સુધી શોમાં તેની જગ્યા કોઈએ લીધી નથી. પરંતુ જો દિશા વાકાણીના પ્રેગ્નન્સીના સમાચાર સાચા હોય તો ચોક્કસ તે અત્યારે શોમાં જોવા નહીં મળે.