અમિતાભ બચ્ચનના ક્વિઝ રિયાલિટી શોને KBC 14 ના પ્રથમ કરોડપતિ મળી ગયા છે. KBC ની પ્રથમ કરોડપતિ કોલ્હાપુરની રહેનારી 45 વર્ષની હાઉસવાઈફ કવિતા ચાવલા છે. કવિતા ચાવલા 1 કરોડના પ્રશ્નનો સાચો જવાબ આપીને પ્રથમ કરોડપતિ બની ગઈ છે અને હવે તે 7.5 કરોડના પ્રશ્ન માટે રમવા જઈ રહી છે. શોનો નવો પ્રોમો સામે આવ્યો છે. જેમાં કવિતા ચાવલાએ 1 કરોડ જીત્યા બાદ બિગ બી ઘણા ખુશ થઈ ગયા છે. કવિતા ચાવલાએ શોમાં પોતાના અંગત જીવન વિશે ઘણી વાતો કહી, જેના વિશે સાંભળીને બિગ બી પણ ભાવુક થઈ ગયા હતા. કવિતાએ જણાવ્યું કે દસમા પછી તેના પિતાએ આગળ ભણવાની ના પાડી દીધી હતી.

KBC નો લેટેસ્ટ પ્રોમો સામે આવ્યો છે. જેમાં બિગ બી કહે છે કે, તમે 1 કરોડ રૂપિયા જીત્યા છે. ત્યાર બાદ શ્રોતાઓ ઉભા રહીને કવિતાને વધાવી લે છે. ત્યાર બાદ વીડિયોમાં, તે તેમને કહે છે, અહીં 7.5 કરોડનો સવાલ છે.’ સોશિયલ મીડિયા પર પ્રોમો શેર કરતી વખતે ચેનલે લખ્યું- ‘છેલ્લો પ્રશ્ન, છેલ્લો સ્ટોપ. 1 કરોડ જીત્યા પછી, શું કવિતા ચાવલા જીતશે 7.5 કરોડનું છેલ્લું ઇનામ?

KBC 14ની પ્રથમ કરોડપતિ બનેલી કવિતા ચાવલા એક ગૃહિણી છે. કવિતાએ જણાવ્યું કે, કેબીસીમાં આવવાનું સપનું પૂરું કરવામાં 21 વર્ષ લાગ્યા છે. તે ભણવા માંગતી હતી પરંતુ તેના પિતાએ 10 મા ધોરણ પછી ભણાવવાની ના પાડી દીધી હતી. કવિતાના શિક્ષકે તેના પિતા પાસેથી તેને આગળ ભણાવવાની માંગ કરી હતી, જેના પછી તે બારમા ધોરણમાં પાસ થઈ શકી હતી.

કવિતાએ જણાવ્યું કે, જ્યારથી KBC શરૂ થઈ ત્યારથી તે આ શોનો ભાગ બનવા માંગતી હતી. તેણે કહ્યું કે, હું મારા પુત્રને ઘરે ભણાવતી હતી. મેં તેને કેજીથી આઠમા સુધી ભણાવ્યો છે. તેને ભણાવ્યા પછી હું મારા શોમાં જવાની તૈયારીઓ શરૂ કરી દીધી હતી. કવિતા ચાવલાએ કહ્યું કે, મને KBC ની હોટસીટ સુધી પહોંચવામાં 21 વર્ષ અને 10 મહિના લાગ્યા છે.