બોલિવૂડ અભિનેતા વિદ્યા બાલન સોશિયલ મીડિયા પર ઘણી એક્ટિવ રહે છે. તે પોતાની દરેક પોસ્ટને કારણે ચર્ચામાં રહે છે. વિદ્યા તેની ફની પોસ્ટથી દરેકના ચહેરા પર સ્મિત લાવે છે. વિદ્યા તેની ફિલ્મોની સાથે તેના ફેશન સ્ટેટમેન્ટ માટે પણ જાણીતી છે. વિદ્યાએ સોશિયલ મીડિયા પર એક પોસ્ટ શેર કરી છે, જેના પછી અટકળો લગાવવામાં આવી રહી છે કે તે કરણ જોહરના ચેટ શો કોફી વિથ કરણ 7 માં જોવા મળશે. વિદ્યાની આ પોસ્ટ સોશિયલ મીડિયા પર વાયરલ થઈ રહી છે.

વિદ્યા બાલને એક વીડિયો શેર કર્યો છે જેમાં તે લાલ ફોર્મલ સૂટમાં જોવા મળી રહી છે. તેણે બ્લેક સનગ્લાસ સાથે આ લુક પૂરો કર્યો હતો. વીડિયોમાં વિદ્યા એક અલગ જ અંદાજમાં વાત કરતી જોવા મળી રહી છે. વીડિયો શેર કરતાં વિદ્યાએ લખ્યું- શુક્રવાર માટે સારી તૈયારી થઈ.

વિડિયોમાં વિદ્યા કહે છે, ‘જો તમે ગૉસિપ કરવા જઈ રહ્યા છો, તો ખાસ ધ્યાન રાખો કે તમે સારી રીતે તૈયાર છો. કારણ કે તમે નકામી વાતોથી નકામા નથી લાગતા. વિદ્યાના આ વીડિયો પર ફેન્સ ઘણી કોમેન્ટ કરી રહ્યા છે.

તમને જણાવી દઈએ કે, વિદ્યા બાલન આ પહેલા કોફી વિથ કરણમાં જોવા મળી ચુકી છે. તે સીઝન-3 માં રાની મુખર્જી સાથે આવી હતી. જ્યારે ચોથી સિઝનમાં, વિદ્યાએ ફરહાન અખ્તર સાથે ભાગ લીધો હતો. હવે આ પોસ્ટ પછી એવું લાગી રહ્યું છે કે વિદ્યા સાતમી સીઝનની ભાગ બનવા જઈ રહી છે.

વર્ક ફ્રન્ટની વાત કરીએ તો વિદ્યા બાલન ટૂંક સમયમાં પ્રતિક ગાંધી સાથે ફિલ્મમાં જોવા મળશે. આ ફિલ્મનું ટાઈટલ હજુ નક્કી થયું નથી. આ સિવાય તે નિયત ફિલ્મમાં જોવા મળશે. વિદ્યા પાસે અત્યારે ઘણા પ્રોજેક્ટ્સ છે.