પહેલા એવું માનવામાં આવતું હતું કે કેન્સર વૃદ્ધ લોકોમાં થાય છે, પરંતુ હાલમાં બ્રિઘમ એન્ડ વુમન્સ હોસ્પિટલ અને હાર્વર્ડ યુનિવર્સિટીના એક રિપોર્ટમાં સામે આવ્યું છે કે 50 વર્ષથી ઓછી ઉંમરના લોકોમાં કેન્સરનું જોખમ સતત વધી રહ્યું છે. રિપોર્ટમાં જણાવવામાં આવ્યું છે કે 1970માં જન્મેલા લોકો કરતા 1990 પછી જન્મેલા લોકોને કેન્સરનું જોખમ વધારે છે. એટલે કે નવા લોકોમાં કેન્સર થવાનું જોખમ વધી રહ્યું છે.

કેન્સરનું કારણ

સામાન્ય રીતે ગુટખા, ધૂમ્રપાન, દારૂ અને પ્રદૂષણ જેવી વસ્તુઓને કેન્સરનું કારણ માનવામાં આવે છે, પરંતુ નવા સંશોધન મુજબ બાળપણથી લઈને અત્યાર સુધીની તમારી જીવનશૈલી પણ કેન્સર માટે જવાબદાર છે. કેન્સરના મુખ્ય કારણોમાં ખોરાક, જીવનશૈલી, પર્યાવરણ અને આપણા પેટમાં રહેતા કૃમિ (માઈક્રોબાયોમ)નો સમાવેશ થાય છે.

સ્થૂળતા પણ કેન્સરનું મુખ્ય કારણ છે. જે લોકો નાનપણથી મેદસ્વી હોય છે તેમને કેન્સરનું જોખમ વધારે હોય છે.

પોષણનો અભાવ પણ કેન્સરનું મુખ્ય કારણ છે. જો સગર્ભા સ્ત્રીમાં પોષણની કમી હોય તો તેના બાળકમાં કેન્સરનું જોખમ વધી જાય છે.

ધૂમ્રપાન ઉપરાંત પર્યાવરણ, રોજિંદી આહાર અને જીવનશૈલી પણ કેન્સરનું કારણ બને છે.

કોને વધુ છે જોખમ?

બ્રિઘમ અને વિમેન્સ હોસ્પિટલ અને હાર્વર્ડ યુનિવર્સિટીના અહેવાલો પરથી જાણવા મળ્યું છે કે 50 વર્ષથી ઓછી ઉંમરના અને 50 વર્ષથી વધુ ઉંમરના લોકોમાં કેન્સરના જનીનો અલગ-અલગ જોવા મળે છે. તેની અસર પણ અલગ છે. 50 વર્ષની ઉંમરે કેન્સર થાય ત્યારે તે વધુ નુકસાનકારક હોય છે. નવી પેઢીઓને કેન્સરનું જોખમ વધારે છે. બ્રિઘમ અને વિમેન્સ હોસ્પિટલ અને હાર્વર્ડ યુનિવર્સિટીએ 14 પ્રકારના કેન્સર પર સંશોધન કર્યું છે. જેમાં જુદા જુદા કારણો સામે આવ્યા છે. જો તમારે કેન્સરથી બચવું હોય તો શરૂઆતથી જ સ્વાસ્થ્યનું ધ્યાન રાખવાની જરૂર છે.