ગુજરાતમાં ચૂંટણીનું બ્યુગલ વાગે તે પહેલા જ અમિત શાહ સક્રિય છે, કોંગ્રેસનું મંથન ચાલુ

Gujarat Election Update: ગુજરાત વિધાનસભાની ચૂંટણીનો કાર્યક્રમ ગુરુવારે જાહેર થવા જઈ રહ્યો છે. આ સાથે રાજકીય પક્ષો પણ ગતિમાં વધારો કરતા જોવા મળી રહ્યા છે. એવા અહેવાલ છે કે ભારતીય જનતા પાર્ટી (BJP)ની રાજ્ય એકમ ગુરુવારથી બેઠકોનો રાઉન્ડ શરૂ કરી રહી છે. જયારે, આમ આદમી પાર્ટી (AAP) પણ મોટી બેઠકો કરશે, જેમાં મુખ્યમંત્રી પદના ઉમેદવારને લઈને નિર્ણય લેવામાં આવી શકે છે.

ભાજપની તૈયારી

ગુજરાત ભાજપ ગુરુવારથી કેન્દ્રીય ગૃહમંત્રી અમિત શાહના નેતૃત્વમાં બેઠકોનો દોર શરૂ કરી રહ્યું છે. આ બેઠકમાં મુખ્યમંત્રી ભૂપેન્દ્ર પટેલ, પ્રદેશ અધ્યક્ષ સી.આર.પાટીલ, પ્રભારી સુધીર ગુપ્તા અને ભૂપેન્દ્ર યાદવ હાજર રહેશે. એવા અહેવાલો છે કે પાર્ટ બેઠક દરમિયાન 182 બેઠકો માટેના ઉમેદવારોના નામોનું વિશ્લેષણ કરશે. કેન્દ્રીય સંસદીય સમિતિને યાદી મોકલવામાં આવે તે પહેલા તમામ સભ્યો ઉમેદવારોના નામ નક્કી કરશે.

મીડિયા રિપોર્ટ્સમાં સૂત્રોને ટાંકીને કહેવામાં આવી રહ્યું છે કે દરેક સીટ પર એક ડઝનથી વધુ ઇચ્છુક ઉમેદવારો છે. જ્યારે પાટીલ સંકેત આપી રહ્યા છે કે પાર્ટી નો રિપીટ ના આધારે નિર્ણય લેશે. તે જ સમયે, શાહ માને છે કે જીતવાની ક્ષમતા મુખ્ય પરિમાણ હશે. વડાપ્રધાન નરેન્દ્ર મોદી પહેલા જ કહી ચુક્યા છે કે ભાજપ સીએમ પાટેના નેતૃત્વમાં ચૂંટણી લડશે.

કોંગ્રેસનું મંથન ચાલુ છે

અહીં દિલ્હીમાં કોંગ્રેસના નેતાઓનું મંથન પણ ચાલી રહ્યું છે. અહેવાલ છે કે રાજ્ય કોંગ્રેસના નેતાઓ જગદીશ ઠાકોર, સુખરામ રાઠવા અને પ્રભારી રઘુ શર્મા બાકીની બેઠકો પર વિચારમંથન કરવા માટે દિલ્હીમાં છે. સ્ક્રિનિંગ કમિટીએ ગયા અઠવાડિયે લગભગ 100 બેઠકોના નામ ફાઇનલ કર્યા હતા અને બાકીના ઉમેદવારો એક-બે દિવસમાં નક્કી કરવામાં આવશે.