વડોદરા એમએસયુઆ ડોનર્સ કેટેગરીમાં ફોર્મ ભરવાનો આજે છેલ્લો દિવસ છે. ત્યારે ડોનર્સ કેટેગરીમાં જીગર ઈનામદાર અને મયંક પટેલને બિન હરીફ ન થવા દેવા ભાજપના ધમપછાડા કરવામાં આવી રહ્યા છે. ભાજપ સંકલન સમિતિના ને ઉમેવારો ઉભા રાખે તેવી શક્યતા જણાઈ રહી છે. જીગર ઈનામદાર ના ટીમ એમએસયુની સામે ભાજપે સંકલન સમિતિનો મોરચો માંડયો છે. હાલ એમ એસ યુનિવર્સિટીનુ કેમ્પસ સેનેટની ચૂંટણીને મુદ્દે શહેર – જિલ્લામાં ચર્ચાના કેન્દ્રસ્થાને છે. બંન્ને મૂખ્ય રાજકીય પક્ષો તેમજ પક્ષોના કાર્યકરોમાં પણ આ ચૂંટણીને મુદ્દે ગરમાવો સર્જાયો છે.

આ સંજોગોમાં હવે આગામી ૧૩મી જાન્યુઆરીએ ડોનર્સ કેટેગરીની ચૂંટણી યોજાનાર છે. ડોનર્સ કેટેગરીની બે બેઠકો ઉપર ઉમેદવારી નોંધાવવા માટે આવતીકાલે છેેલ્લી તારીખ છે.

જો કે, પાંચ વર્ષ પહેલાં આયોજીત ડોનર્સ કેટેગરીની ચૂંટણીમાં ડોનર્સના ૪૦ મતોનો વિવાદ સર્જાયો હતો. તે વેળાં વડફેસ્ટની શહેરમાં ધમાકેદાર ઉજવણી કરવામા આવી હતી. જેના ભાગરૂપે વડફેસ્ટ દ્વારા યુનિવર્સિટીને દાન પેટે રૂપિયા ૪૦ લાખની સહાય કરવામા આવી હતી. જેના પગલે દાતા તરીકે ૪૦ દાતાઓના નામ ડોનર્સ કેટેગરીમાં સમાવાયા હતા.