31 ડીસેમ્બરના રોજ નવા વર્ષની પાર્ટીઓ અને રસ્તાઓ પર ફરતા લોકો માટે રાજકોટ પોલીસે કમર કસી છે અને જો કોઈ પણ વ્યકતિ કર્ફ્યુ ભંગ કે નિયમોને તોડશે તો તેની સામે કાયદેસરની કાર્યવાહી કરવામાં આવશે.

વડોદરા પોલીસ થર્ટી ફર્સ્ટને લઈને કડક ચેકીંગ કરશે. રાત્રે 10.30 પછી લોકોને ઘરે પોલીસ મોકલશે. જે શહેરમાં 11 વાગ્યાથી કર્ફ્યુંનો અમલ થશે. બ્રેથ એનેલાઈઝરની મદદથી વાહન ચાલકોની તપાસ પણ પોલીસ કરશે. વડોદરા જિલ્લામાં પોલીસે 4 થી 5 ફાર્મ હાઉસમાં પાર્ટીની મંજૂરી આપી છે. કોરોના ગાઈડલાઈન મુજબ 400 લોકો જ પાર્ટીમાં હાજર રહી શકશે.

જો કે, થર્ટી ફર્સ્ટના દિવસે હોટલ, રેસ્ટોરન્ટ, ફાર્મ હાઉસ કે કલબથી માંડી પ્રાઈવેટ પ્લોટમાં મોડી રાત્રી સુધી ઉજવણીઓ કરવામાં આવતી હોય છે. ત્યારે આ ઉજવણીઓ દરમ્યાન કોઈ અનિચ્છનિય બનાવ ન બને તે માટે પોલીસનો સઘન બંદોબસ્ત ગોઠવી દેવામાં આવ્યો છે. અને વાહનોનું કડક ચેકીંગ હાથ ધરવામાં આવી રહ્યું છે.

આજે રાત્રે ૧૨ કલાકે નૂતન વર્ષ ૨૦૨૨ને આવકારવા જિલ્લામાં કેટલા સ્થળોએ યોજાનાર પાર્ટીઓ ઉપર પોલીસની બાજ નજર રાખવામાં આવશે. શહેરી વિસ્તારોમાં અલગ-અલગ પોઈન્ટ ઉપર પોલીસ કર્મચારીઓ તૈનાત રહેશે આ ઉપરાંત હાઈવે ઉપરની ચેકપોસ્ટ ઉપર પણ ચેકીંગ કરવામા આવશે. આજે 31 ડિસેમ્બરે રાત્રે વડોદરા પોલીસ છાવણીમાં ફેરવાઈ જશે અને મોડી રાત સુધી રસ્તાઓ સોસાયટી અને જાહેર સ્થળો પર પોલીસ જવાનો જોવા મળશે.