દેશમાં કોરોનાના કહેર હવે ધીરે-ધીરે શાંત પડી રહ્યો છે. તેની સાથે સતત કોરોનાના કેસમાં ઘટાડો જોવા મળી રહ્યો છે. જ્યારે દેશમાં છેલ્લા 24 કલાકમાં 5442 નવા કેસ સામે આવ્યા છે. આ સાથે જ દૈનિક ચેપ દર ઘટીને 1.61 ટકા પર આવી ગયો છે. દેશમાં કોવિડથી મૃત્યુઆંક વધીને 5,28,429 થઈ ગયો છે.

ગુરુવારે સવારે કેન્દ્રીય સ્વાસ્થ્ય મંત્રાલય દ્વારા અપડેટ કરવામાં આવેલા ડેટા અનુસાર, દેશમાં હવે 46,342 સક્રિય કેસ રહેલા છે. છેલ્લા 24 કલાકમાં 5,291 લોકો રોગચાળામાંથી સાજા થયા છે. કોરોનાથી મૃત્યુઆંક વધીને 26 થયો છે. તેમાં કેરળ દ્વારા ઉમેરાયેલા 12 ક્રોનિક મૃત્યુનો સમાવેશ થાય છે. આ સાથે દેશમાં કોવિડથી મૃત્યુઆંક વધીને 5,28,429 થઈ ગયો છે.

દેશમાં કોરોના દર્દીઓની કુલ સંખ્યા હવે વધીને 4,45,53,042 થઈ ગઈ છે. જો આપણે કુલ કેસ સાથે સક્રિય કેસની તુલના કરીએ તો તે 0.10 ટકા છે. દેશમાં કોરોના રિકવરી રેટ 98.71 ટકા છે. છેલ્લા 24 કલાકમાં સક્રિય કેસોમાં 126 નો વધારો થયો છે.