પ્રોડક્શન-લિંક્ડ ઇન્સેન્ટિવ (PLI) સ્કીમ્સમાં જાહેર રોકાણમાં વધારો થવા પર બિઝનેસ સેન્ટિમેન્ટમાં સુધારો થતાં કંપનીઓ જુલાઈ-સપ્ટેમ્બર ક્વાર્ટરમાં વધુ કર્મચારીઓની ભરતી કરે તેવી અપેક્ષા છે.TeamLeaseના રોજગાર આઉટલૂક રિપોર્ટમાં કહેવામાં આવ્યું છે કે એપ્રિલ-જૂન ચાલુ ક્વાર્ટરમાં કંપનીઓનો ઈરાદો ક્વાર્ટરની સરખામણીમાં નવી ભરતી સાત ટકા વધીને 61 ટકા થઈ છે.

નવી ભરતી કરવાનો ઈરાદો 54 ટકા પોઈન્ટ પર હતો. આ તારણો દેશભરના 14 શહેરોમાં આવેલી લગભગ 900 નાની, મધ્યમ અને મોટી કંપનીઓ વચ્ચે હાથ ધરાયેલા સર્વેક્ષણ પર આધારિત છે. રિપોર્ટ અનુસાર, મેટ્રો અને ટિયર I શહેરોમાં સાત ટકા પોઈન્ટનો વધારો થયો છે. તે ચાલુ નાણાકીય વર્ષના પ્રથમ ક્વાર્ટરમાં 81 ટકા પોઈન્ટથી વધીને બીજા ક્વાર્ટરમાં 89 ટકા પોઈન્ટ થઈ ગયું છે.

ટીમલીઝના એક્ઝિક્યુટિવ ડિરેક્ટર અને કો-ફાઉન્ડર રિતુપર્ણા ચક્રવર્તીએ જણાવ્યું હતું કે એકંદર બિઝનેસ વાતાવરણમાં સુધારો થઈ રહ્યો છે અને વધુ કંપનીઓ હવે નવા કર્મચારીઓની નિમણૂક કરવાનું વિચારી રહી છે. PLI યોજનાઓમાં જાહેર રોકાણ વધવાથી સંભાવનાઓ સુધરી છે, એમ તેમણે જણાવ્યું હતું. નવી ભરતી કરવાનો ઇરાદો માત્ર સુધરતો નથી, પરંતુ આગામી થોડા ક્વાર્ટરમાં તે 70 ટકાના આંકને પાર કરે તેવી શક્યતા છે. બીજી તરફ, જોબ પોર્ટલ Naukri.com ના તાજેતરના ડેટા અનુસાર, ભારતમાં ભરતી પ્રવૃત્તિ જૂનમાં પ્રોત્સાહક હતી અને તેમાં વાર્ષિક ધોરણે 22 ટકાનો વધારો જોવા મળ્યો છે.

હોટેલ-પર્યટનની ભરતી બમણીથી વધુ

જોબ પોર્ટલ Naukri.com ના તાજેતરના ડેટા અનુસાર, પ્રારંભિક સ્તરની નોકરીઓની માંગમાં જૂન મહિનામાં સૌથી વધુ 30 ટકા વાર્ષિક વૃદ્ધિ નોંધાઈ છે. આમાં જૂન મહિનામાં હોટેલ-પર્યટન ક્ષેત્રે ભરતી પ્રવૃત્તિમાં 125 ટકાનો વધારો થયો છે. જ્યારે રિટેલ સેક્ટરમાં ભરતી પ્રવૃત્તિ 75 ટકાથી વધુ અને બેન્કિંગ, ફાઇનાન્સ અને ઇન્શ્યોરન્સ (BFSI) સેક્ટરમાં 58 ટકાથી વધુનો વધારો થયો છે.