ખાદ્યતેલના ભાવમાં ઘટાડાની અપેક્ષા વધુ વધી ગઈ છે. કેન્દ્ર સરકારે ખાદ્યતેલ એસોસિએશનને તાત્કાલિક ધોરણે ખાદ્યતેલના ભાવમાં 15 રૂપિયા પ્રતિ લીટરનો ઘટાડો કરવાનો આદેશ આપ્યો છે. ખાદ્ય અને પુરવઠા મંત્રાલયે ખાદ્ય તેલ એસોસિએશનને ખાદ્ય તેલના ભાવમાં ઘટાડાનો લાભ તાત્કાલિક ગ્રાહકો સુધી પહોંચાડવાનું જણાવ્યું છે. 6 જૂન, 2022 ના રોજ, ખાદ્ય અને જાહેર વિતરણ વિભાગે એક મહત્વપૂર્ણ બેઠક યોજી હતી જેમાં તમામ મોટા ખાદ્ય તેલ એસોસિએશનોને ખાદ્ય તેલના ભાવમાં તાત્કાલિક રૂ. 15 નો ઘટાડો કરવાનો આદેશ આપવામાં આવ્યો હતો.

કેન્દ્ર સરકારે મેન્યુફેક્ચરિંગ કંપનીઓ અને રિફાઈનરોને પણ ડિસ્ટ્રિબ્યુટર્સ માટે ભાવમાં તાત્કાલિક ઘટાડો કરવા જણાવ્યું છે કે, જેથી ભાવમાં ઘટાડાનો લાભ મેળવવામાં કોઈ મુશ્કેલી ન આવે. ખાદ્ય અને સાર્વજનિક વિતરણ વિભાગે ખાદ્ય તેલ એસોસિએશનોને કહ્યું છે કે, વિતરકો માટે કિંમતોમાં ઘટાડો થતા જ તેનો લાભ ગ્રાહકો સુધી પહોંચવો જોઈએ. જ્યારે આ માહિતી વિભાગને નિયમિતપણે ઉપલબ્ધ કરાવવી જોઈએ. મંત્રાલયે જણાવ્યું છે કે, જે કંપનીઓએ અત્યાર સુધી કિંમતોમાં ઘટાડો કર્યો નથી અને જેમની MRP અન્ય બ્રાન્ડ્સ કરતા વધારે છે તેમણે પણ તાત્કાલિક કિંમતો ઘટાડવી જોઈએ.

ખાદ્ય અને જાહેર વિતરણ વિભાગે તેની બેઠકમાં સ્વીકાર્યું હતું કે, આંતરરાષ્ટ્રીય બજારમાં ખાદ્યતેલના ભાવમાં ઘટાડો થઈ રહ્યો છે, જે ખાદ્યતેલના ભાવની દ્રષ્ટિએ ખૂબ જ સકારાત્મક છે. આવી સ્થિતિમાં ખાદ્યતેલ કંપનીઓએ સુનિશ્ચિત કરવું જોઈએ કે, સ્થાનિક બજારમાં ખાદ્યતેલની કિંમતો નીચે આવે અને તેનો લાભ ગ્રાહકોને કોઈપણ મુશ્કેલી વિના પહોંચે.