ભારતમાં કોરોના સંકટમાં નોંધપાત્ર ઘટાડો થયો છે. છેલ્લા 24 કલાકમાં દેશમાં કોવિડના 474 નવા કેસ નોંધાયા છે અને 1 સંક્રમિત વ્યક્તિએ પોતાનો જીવ ગુમાવ્યો છે. હવે કોરોના સંક્રમિતોની કુલ સંખ્યા વધીને 4 કરોડ 46 લાખ 67 હજાર 398 પહોંચી ગઈ છે. છેલ્લા 24 કલાકમાં એક હજારથી વધુ લોકો કોરોનાની સારવાર દરમિયાન સાજા થયા છે. આ સાથે, કોરોના સક્રિય દર્દીઓની સંખ્યા ઘટીને 7 હજાર 918 થઈ ગઈ છે.

દેશમાં અત્યાર સુધીમાં કોરોના રસીના લગભગ 220 કરોડ ડોઝ આપવામાં આવ્યા છે. છેલ્લા 24 કલાકમાં 1 લાખ 13 હજાર 909 લોકોએ કોરોના સામે રક્ષણ માટે રસી લીધી છે. કોરોનાથી કુલ મૃત્યુઆંક વધીને 5 લાખ 30 હજાર 533 થઈ ગયો છે. 24 કલાકમાં 1 મોતનો મામલો સામે આવ્યો છે. મૃત્યુ પામનાર વ્યક્તિ ગુજરાતનો છે. એપ્રિલ 2020 પછી પ્રથમ વખત સક્રિય દર્દીઓની સંખ્યામાં 10,000 નો ઘટાડો થયો છે. 6 એપ્રિલ 2020 ના રોજ, દેશમાં કોવિડ-19 ના 354 કેસ નોંધાયા હતા.

નવા ડેટા અનુસાર, દેશમાં કોરોના વાયરસ સંક્રમણના સક્રિય દર્દીઓની સંખ્યા ઘટીને 7 હજાર 918 થઈ ગઈ છે, જે કુલ કેસના 0.02 ટકા છે. દર્દીઓના સાજા થવાનો રાષ્ટ્રીય દર 98.79 ટકા છે. આંકડાઓ અનુસાર, દેશમાં અત્યાર સુધીમાં કુલ 4 કરોડ 41 લાખ 27 હજાર 724 લોકો કોરોના વાયરસના સંક્રમણથી મુક્ત થયા છે, જ્યારે કોવિડ-19થી મૃત્યુદર 1.19 ટકા છે. તે જ સમયે, દેશવ્યાપી રસીકરણ અભિયાન હેઠળ, અત્યાર સુધીમાં કોવિડ-19 વિરોધી રસીના 219.81 કરોડ ડોઝ આપવામાં આવી ચુક્યા છે.

ભારતમાં, 7 મી ઓગસ્ટ 2020 ના રોજ, કોરોના વાયરસથી સંક્રમિતોની સંખ્યા 20 લાખ, 23 મી ઓગસ્ટ 2020 ના રોજ 30 લાખ અને 5 મી સપ્ટેમ્બર 2020ના રોજ 40 લાખને પાર થઈ ગયા હતા. ચેપના કુલ કેસ 16 સપ્ટેમ્બર 2020ના રોજ 50 લાખ, 28 સપ્ટેમ્બર 2020 ના રોજ 60 લાખ, 11 ઓક્ટોબર 2020 ના રોજ 70 લાખ, 29 ઓક્ટોબર 2020 ના રોજ 80 લાખ અને 20 નવેમ્બરના રોજ 90 લાખને પાર થઈ ગયા હતા.