રાજસ્થાનના બાડમેરમાં રહેતા બોર્ડર સિક્યુરિટી ફોર્સ (BSF) ના બે જવાનો આફ્રિકાના કોંગોમાં શહીદ થયા હતા. તેઓ કોંગો (DR), આફ્રિકામાં સંયુક્ત રાષ્ટ્ર શાંતિ રક્ષા મિશનમાં પોસ્ટેડ હતા. જેમાંથી એક સંવલારામ વિશ્નોઈ (45) બાડમેરનો રહેવાસી હતો અને બીજો શિશરામ સીકરનો રહેવાસી હતો. તેઓ BSF માં હેડ કોન્સ્ટેબલના પદ પર હતા. BSF એ બુધવારે ટ્વિટ કરીને ઘટના અને ભારતીય જવાનોના શહીદ થવાની જાણકારી આપી હતી.

મીડિયા રિપોર્ટ્સ અનુસાર, સ્થાનિક લોકોએ કોંગોમાં મોનુસ્કો વિરુદ્ધ વિરોધની જાહેરાત કરી હતી. મંગળવારે પ્રદર્શન હિંસક બન્યું હતું. ત્યાર બાદ પ્રદર્શનકારીઓએ BSF જવાનો પર હુમલો કર્યો હતો. આ હુમલામાં બે ભારતીય જવાનો શહીદ થયા હતા. આ સિવાય ઘણા સ્થાનિક લોકોના પણ મોત નીપજ્યા છે.

મીડિયા રિપોર્ટ્સ અનુસાર, જવાન સંવલારામ વિશ્નોઈ બે મહિના પહેલા 15 દિવસની રજા પર ઘરે આવ્યા હતા. ત્યાર બાદ તે સંયુક્ત રાષ્ટ્ર પીસકીપિંગ મિશન હેઠળ કોંગો ચાલ્યા ગયા હતા. તે વર્ષ 1999 માં BSF માં જોડાયા હતો. તેમના લગ્ન 16 વર્ષ પહેલા રૂકમણી સાથે થયા હતા, તેમને બે પુત્રો પણ છે. ગામમાં રહેતા તેમના પરિવારજનોને સાંવલારામની શહીદની જાણ કરવામાં આવી છે. ત્યારથી પરિવારમાં જ નહીં પરંતુ ગામમાં પણ શોકનું મોજું છવાઈ ગયું છે.

જવાન શિશરામના પરિવારે જણાવ્યું કે હિંસક પ્રદર્શન દરમિયાન તે પોતાની પત્ની સાથે વીડિયો કોલ પર વાત કરી રહ્યો હતો. આ દરમિયાન તેને ગોળી વાગી હતી. શહીદની પત્ની કમલા સરકારી શિક્ષિકા છે. તેમને બે બાળકો છે. દીકરો ગ્રેજ્યુએશન કરી રહ્યો છે અને દીકરીએ તાજેતરમાં MBBS કર્યું છે.