ભાજપને તેલંગાણામાં ન મળી પદયાત્રાની પરવાનગી, ખખડાવ્યો હાઈકોર્ટનો દરવાજો

નિર્મલ જિલ્લાના ભૈંસા શહેરમાં જાહેર સભા અને ‘પ્રજા સંગ્રામ યાત્રા’ માટે પોલીસે પરવાનગી નકાર્યાના એક દિવસ પછી ભારતીય જનતા પાર્ટી (BJP) ના તેલંગાણા એકમે સોમવારે હાઇકોર્ટમાં અરજી દાખલ કરી. તેલંગાણા પોલીસે રવિવારે રાજ્ય ભાજપના અધ્યક્ષ સંજય કુમારને તેમની ‘પ્રજા સંગ્રામ યાત્રા’ના પાંચમા તબક્કા અને નિર્મલ જિલ્લાના ભૈંસા શહેરમાં જાહેર સભા માટે પરવાનગી આપવાનો ઇનકાર કર્યો હતો.

ભાજપના સૂત્રોએ જણાવ્યું હતું કે પદયાત્રાની પરવાનગી માંગતી અરજી કોર્ટમાં દાખલ કરવામાં આવી છે અને આ મામલે સોમવારે જ સુનાવણી થવાની છે. એક વરિષ્ઠ પોલીસ અધિકારીએ પીટીઆઈને જણાવ્યું હતું કે પોલીસે ત્યાં “સાંપ્રદાયિક રીતે સંવેદનશીલ પરિસ્થિતિ” ને ટાંકીને કુમારને પરવાનગી આપવાનો ઇનકાર કર્યો હતો. મહારાષ્ટ્રના નાયબ મુખ્ય પ્રધાન દેવેન્દ્ર ફડણવીસ ભાજપના નેતાઓમાં સામેલ છે જેઓ સોમવારે સૂચિત જાહેર સભાને સંબોધવાના હતા.