ગુજરાતમાં ઓવૈસી કરતાં ભાજપને વધુ ઇચ્છે છે મુસ્લિમો, સામે આવ્યો ચોંકાવનારો સર્વે

ગુજરાતમાં વિધાનસભાની ચૂંટણી ખૂબ જ નજીક છે. ભારતીય જનતા પાર્ટી અને કોંગ્રેસ વચ્ચેની રાજકીય ખેંચતાણનું શું પરિણામ આવશે તે તો 8 ડિસેમ્બરે જ સ્પષ્ટ થશે. હાલમાં સર્વે એજન્સીઓ જનતાનો મૂડ જાણવામાં વ્યસ્ત છે. ગુજરાતની 282 બેઠકોમાંથી 117 બેઠકો પર 10 ટકાથી વધુ મુસ્લિમ મતદારો છે. આવી સ્થિતિમાં ચૂંટણી પરિણામો માટે મુસ્લિમ મતદારો ખૂબ જ મહત્વપૂર્ણ છે.

સર્વેના પરિણામો ખૂબ જ ચોંકાવનારા છે. અત્યાર સુધી મુસ્લિમોના લગભગ 80 ટકા મતો કબજે કરી રહેલી કોંગ્રેસને ઘણું નુકસાન થઈ રહ્યું છે. ‘આપ’ અને અસદુદ્દીન ઓવૈસીની AIMIMની એન્ટ્રીએ સ્પર્ધાને રસપ્રદ બનાવી છે. સર્વેમાં કોંગ્રેસને 47 ટકા મુસ્લિમ વોટ મળવાની આગાહી કરવામાં આવી છે, તો ‘આપ’ બીજા નંબર પર રહી શકે છે. અરવિંદ કેજરીવાલની આગેવાની હેઠળની AAP, જે ગુજરાતમાં પ્રથમ વખત તમામ બેઠકો પર ચૂંટણી લડી રહી છે, તેને 25 ટકા મુસ્લિમ મત મળવાનો અંદાજ છે.

સર્વેમાં બીજી એક રસપ્રદ વાત સામે આવી છે કે લગભગ 19 ટકા મુસ્લિમો ભાજપને વોટ આપી શકે છે. વધુ મહત્ત્વની વાત એ છે કે, પોતાને મુસ્લિમોના સૌથી મોટા હિમાયતી ગણાવતા ઓવૈસીને બહુ સફળતા મળતી દેખાતી નથી. 9 ટકા મુસ્લિમો એઆઈએમઆઈએમને મત આપી શકે છે, જે લગભગ ત્રણ ડઝન બેઠકો પર ચૂંટણી લડવા જઈ રહી છે.