ડાયાબિટીસના દર્દીઓએ મીઠી વસ્તુઓ ખાતા પહેલા ઘણું વિચારવું પડે છે. તો આજે અમે તેમના માટે સુગર ફ્રી નારિયેળના લાડુની રેસિપી લઈને આવ્યા છીએ. જાણો તેની રેસિપી.

બનાવવા જરૂરી સામગ્રી:

1 કપ તાજુ છીણેલું નારિયેળ,
2 ચમચી ઘી,
2 ચમચી એરિથ્રીટોલ,
1-2 ટીપાં સ્ટીવિયા પ્રવાહી,
કપ નાળિયેરનું દૂધ,
1 ચપટી હિમાલયન મીઠું
1 ચપટી જાયફળ પાવડર

બનાવવાની રીત:

– મોટા કદના જાડા તળિયાવાળા તવાને મધ્યમ તાપ પર ગરમ કરવા રાખો.
– હવે તેમાં ઘી ઉમેરીને બરાબર ઓગળવા દો.
– ઘી ઓગળી જાય પછી તેમાં નારિયેળ ઉમેરીને મધ્યમ તાપ પર તળી લો. નાળિયેરને સતત હલાવતા રહો, નહીં તો તે બળી શકે છે. સોનેરી થાય ત્યાં સુધી તળો.
– નાળિયેર તળ્યા પછી, ગરમી ઓછી કરો અને તેમાં એરિથ્રોલ, સ્ટીવિયા અને મીઠું ઉમેરો. ધીમા તાપે તળતા રહો. ધીમે ધીમે નારિયેળનો રંગ ઘાટો થઈ જશે.
– આ પછી અડધુ નારિયેળનું દૂધ અને જાયફળ પાવડર મિક્સ કરો અને વધુ બે મિનિટ પકાવો. જ્યાં સુધી મિશ્રણ એકરૂપ ન થાય ત્યાં સુધી હલાવતા રહો. – તમે જરૂર મુજબ બાકીનું નાળિયેરનું દૂધ ઉમેરી શકો છો.
– આ મિશ્રણને ત્યાં સુધી પકાવો જ્યાં સુધી બધુ દૂધ સુકાઈ ન જાય. તે સારી રીતે સુકાઈ ગયું છે કે નહીં તે જોવા માટે તેને હાથથી દબાવો. સુકાઈ જાય પછી જ ગેસ બંધ કરી દો.
– મિશ્રણને થોડું ઠંડુ થવા દો, ત્યારબાદ તેમાંથી નાના લાડુ બનાવી લો.