બાળકોથી લઈને વડીલો સુધી આ નાસ્તો ખૂબ જ મોજથી ખાશે, જાણો કેવી રીતે બનાવાય છે ‘પોટેટો સ્ટફ્ડ મિની પેનકેક’

બ્રેકફાસ્ટ માટે આલુ સ્ટફ્ડ મસાલા પેનકેક ખૂબ જ સ્વાદિષ્ટ અને ઝડપી રેસીપી છે. તો તેને કેવી રીતે બનાવશો, ચાલો જાણીએ તેની રેસિપી.

બનાવવા માટે જરૂરી સામગ્રી:

પેનકેક માટે
1 કપ ઓટ્સ બરછટ પીસીને,
ક્વાર્ટર કપ સોજી,
1 કપ છાશ,
1/2 ચમચી ખાવાનો સોડા,
1 ચમચી કાળા મરીનો ભૂકો,
1/2 ચમચી જીરું,
સ્વાદ અનુસાર મીઠું,
તેલ જરૂર મુજબ

ભરણ માટે

4 બટાકા બાફેલા અને છૂંદેલા,
1 કપ ડુંગળી ઝીણી સમારેલી,
2 ચમચી તેલ,
1 ચમચી સરસવના દાણા,
6-7 કરી પત્તા,
મીઠું સ્વાદાનુસાર,
1/4 ચમચી હળદર પાવડર

બનાવવાની રીત:

સ્ટફિંગ મસાલો બનાવવા માટે

એક કડાઈ ગરમ કરો અને તેમાં સરસવના દાણા, ડુંગળી, કઢીના પાનને ઉંચી આંચ પર તળો.
ડુંગળી પારદર્શક થાય એટલે મીઠું અને હળદર મિક્સ કરો. તેમાં બટાકા ઉમેરો અને 2-3 મિનિટ પકાવો.

પેનકેક બનાવવા માટે

– સૌ પ્રથમ, એક બાઉલમાં તેલ સિવાય પેનકેકની બધી સામગ્રી મિક્સ કરીને ઘટ્ટ બેટર તૈયાર કરો.
– આ પછી તવાને ગરમ કરો, થોડું તેલ લગાવો અને તેના પર ચમચા વડે ચીલા ની જેમ થોડું ખીરું ફેલાવો.
– હવે બટેટાની મસાલા ટિક્કી બનાવીને ચીલાની ઉપર મૂકો અને એક ચમચી બેટર નાખીને ઢાંકી દો.
– તેને બંને બાજુથી ધીમી આંચ પર શેકી લો અને તવા પરથી ઉતારી લો.
– આ રીતે, બાકીની સામગ્રીમાંથી પણ પેનકેક બનાવો.
– દરેક પેનકેકને વચ્ચેથી કાપીને મનપસંદ ચટણી સાથે ટિફિનમાં પેક કરો.