જો તમારા પરિવારના સભ્યો શોખ તરીકે બટેટાના ભુજીયા ખાવાનું પસંદ કરતા હોય તો હવે તમે ઘરે જ બજાર જેવા ભુજીયા બનાવી શકો છો. બટાકાના ભુજીયા ઘરે સરળતાથી બનાવવા માટે તમે આ સરળ સ્ટેપ્સ ફોલો કરી શકો છો.

બનાવવા જરૂરી સામગ્રી:

બાફેલા બટાકા
મકાઈનો લોટ
મરચું પાવડર
હળદર
ખાવાનો સોડા
સ્વાદ માટે મીઠું
તળવા માટે તેલ

બનાવવાની રીત:

– સૌપ્રથમ બટાકાને બાફીને તેની છાલ કાઢીને ઠંડા કરી લો.
– હવે આ બાફેલા બટાકાને એક મોટા બાઉલમાં મકાઈના લોટ સાથે મિક્સ કરો.
– ત્યારબાદ તેમાં સ્વાદ મુજબ મીઠું, લાલ મરચું પાવડર, હળદર પાવડર અને ચોથા ચમચી ખાવાનો સોડા ઉમેરો.
– હવે બધી સામગ્રીને સારી રીતે મિક્સ કરીને લોટ તૈયાર કરો.
– આ પછી આ લોટમાં બે ચમચી તેલ મિક્સ કરી 10 મિનિટ માટે ઢાંકીને રહેવા દો.
– હવે એક કડાઈમાં તેલને ધીમા તાપે ગરમ કરવા મૂકો.
– આ પછી, સેવ મેકરમાં લોટ મૂકો અને તેને ગરમ તેલમાં સીધું તળી લો.
– કડાઈમાં સેવ નાખ્યા પછી, તેને ધીમી આંચ પર ગોલ્ડન બ્રાઉન થાય ત્યાં સુધી પકાવો.
– તૈયાર છે તમારા સ્વાદિષ્ટ અને ક્રિસ્પી બટેટાના ભુજીયા. તેને એર ટાઇટ કન્ટેનરમાં રાખો જેથી તે હવામાં નરમ ન થાય.