શિયાળાની ઋતુમાં લોકોની રોગપ્રતિકારક શક્તિ ખૂબ નબળી પડી જાય છે. આવી સ્થિતિમાં, જો તમે આ શિયાળામાં તમારી એનર્જી વધારવા માંગતા હોવ તો બદામનું આ ઇન્સ્ટન્ટ સૂપ ચોક્કસ ટ્રાય કરો.

બનાવવા જરૂરી સામગ્રી:

1 કપ બદામ
બે ચમચી માખણ
એક ચમચી લોટ
3 કપ સફેદ સ્ટોક
4-5 ટીપાં બદામ એસેન્સ
એક ચપટી કાળા મરી
2 ચમચી ફ્રેશ ક્રીમ
સ્વાદ માટે મીઠું

બનાવવાની રીત:

– સૌ પ્રથમ, બદામને 20 મિનિટ માટે ગરમ પાણીમાં પલાળી રાખો.
– હવે બદામની છાલ કાઢી લીધા પછી તેને મિક્સરમાં બરછટ પીસીને બાજુ પર રાખો.
– આ પછી એક કડાઈમાં માખણ નાખી તેને ગરમ કરો અને પછી તેમાં લોટ નાખીને થોડીવાર શેકી લો.
– હવે તેમાં બદામની પેસ્ટ, વ્હાઇટ સ્ટોક અને બદામનું એસેન્સ નાખીને બરાબર મિક્ષ કરી લો.
– આ પછી તેને ઢાંકીને બદામના સૂપને રાંધી લો અને તેમાં સ્વાદ મુજબ કાળા મરીનો પાવડર અને મીઠું ઉમેરીને મિક્સ કરો.
– અંતે ફ્રેશ ક્રીમ ઉમેરીને બાઉલમાં કાઢીને ગરમાગરમ સર્વ કરો.