અફઘાનિસ્તાન ક્રિકેટ બોર્ડે ઈંગ્લેન્ડના ભૂતપૂર્વ બેટ્સમેન જોનાથન ટ્રોટને પુરુષ ટીમના નવા મુખ્ય કોચ તરીકે નિયુક્ત કરવામાં આવ્યા છે. ટ્રોટ ગ્રેહામની જગ્યા લેશે. ગ્રેહામને આ વર્ષે એપ્રિલમાં અફઘાનિસ્તાનના કોચ તરીકે નિયુક્ત કરવામાં આવ્યા હતા. જો કે, તે કેટલાક અંગત કારણોસર ટીમમાં સામેલ થઈ શક્યો ન હતો. આવી સ્થિતિમાં હવે ટ્રોટને મુખ્ય કોચ તરીકે નિયુક્ત કરવામાં આવ્યા છે.

ટ્રોટ ઓગસ્ટમાં અફઘાનિસ્તાનના આયર્લેન્ડ પ્રવાસ પર ચાર્જ સંભાળશે. તેમને અગાઉ કોચિંગનો અનુભવ હતો. તે ઈંગ્લેન્ડની મેન્સ ટીમ, ઈંગ્લેન્ડ લાયન્સ અને અંડર-19 ટીમ સાથે પણ કામ કરી ચુક્યા છે. આ સિવાય ટ્રોટ 2021 T20 વર્લ્ડ કપ દરમિયાન સ્કોટલેન્ડનો બેટિંગ સલાહકાર પણ રહ્યો હતો.

આ અગાઉ દક્ષિણ આફ્રિકાના પૂર્વ દિગ્ગજ ઓલરાઉન્ડર લાન્સ ક્લુઝનર અફઘાનિસ્તાનના મુખ્ય કોચ હતા. ગયા વર્ષે નવેમ્બરમાં તેમનો બે વર્ષનો કાર્યકાળ પૂરો થયો હતો. ત્યાર બાદ તેણે આ પદ છોડવાનો નિર્ણય લીધો હતો.

41 વર્ષીય ટ્રોટે ઈંગ્લેન્ડ માટે 52 ટેસ્ટ, 68 વનડે અને સાત T20 ઈન્ટરનેશનલ મેચ રમી હતી. તેણે ટેસ્ટમાં 44.08ની એવરેજથી 3835 રન, વનડેમાં 51.25ની એવરેજથી 2819 રન અને T20 માં 23 ની એવરેજથી 138 રન બનાવ્યા છે. ટ્રોટે ટેસ્ટમાં પાંચ અને વનડેમાં બે વિકેટ ઝડપી હતી.

આ બાબતમાં ટ્રોટે જણાવ્યું છે કે, હું આંતરરાષ્ટ્રીય ક્રિકેટની સૌથી રોમાંચક ટીમોમાંથી એકનો કોચ બનવા માટે ઉત્સાહિત છું. મારું કામ અફઘાનિસ્તાનને એક ટીમ તરીકે વિકસાવવાનું રહેશે અને મને ખુશી છે કે મને આ તક મળી છે.

ટ્રોટે જણાવ્યું છે કે, હું એવા ખેલાડીઓના જૂથ સાથે કામ કરવા માટે રાહ જોઈ શકતો નથી જે સ્પષ્ટપણે તેમના દેશના ક્રિકેટને ટોચ પર લઈ જવા માંગે છે. તે અફઘાનિસ્તાનના લોકોને ગૌરવ અપાવશે. અફઘાનિસ્તાનની ટીમ આયર્લેન્ડ પ્રવાસ પર પાંચ T20 મેચોની શ્રેણી રમશે.

ટ્રોટે 2007 માં આંતરરાષ્ટ્રીય ક્રિકેટમાં ડેબ્યુ કર્યું હતું. ત્યારબાદ તેણે વેસ્ટ ઈન્ડિઝ સામે ટી20 મેચ રમી હતી. ટ્રોટે તેની છેલ્લી આંતરરાષ્ટ્રીય મેચ 2015 માં રમી હતી. તે એક ટેસ્ટ મેચ હતી અને ઈંગ્લેન્ડના સામે કેનિંગ્ટન ઓવલ ખાતે વેસ્ટ ઈન્ડિઝની ટીમ હતી.

ટ્રોટના આગમનથી અફઘાનિસ્તાનને ચોક્કસપણે ઘણો ફાયદો થશે. ટીમ આ વર્ષે ટી20 વર્લ્ડ કપ પણ રમવાની છે. આવી સ્થિતિમાં ટ્રોટ ટીમને ટાઈટલ અપાવવામાં મદદ કરી શકે છે. ટ્રોટના લીધે જ ઇંગ્લેન્ડની ટીમ 2009 અને 2010 ની એશિઝ સીરીઝ જીતવામાં સફળ રહી હતી.