ન્યુઝીલેન્ડ-એ સામેની વનડે સીરીઝ માટે ઈન્ડિયા-એ ટીમની જાહેરાત, સંજુ સેમસનને ટીમની કમાન મળી

ન્યુઝીલેન્ડ A સામે શરૂ થનારી ત્રણ મેચની ODI સીરીઝ માટે ભારત A ટીમની જાહેરાત કરવામાં આવી છે. અખિલ ભારતીય વરિષ્ઠ પસંદગી સમિતિએ આ માટે 16 સભ્યોની ટીમની પસંદગી કરી છે. ટીમની કમાન સંજુ સેમસનને સોંપવામાં આવી છે. IPL 2022ના સ્ટાર ખેલાડીઓ ઉમરાન મલિક અને તિલક વર્માને પણ આ ટીમમાં સ્થાન આપવામાં આવ્યું છે. અંડર-19 વર્લ્ડ કપનો સ્ટાર રાજ અંગદ બાવા પણ ટીમમાં જગ્યા બનાવવામાં સફળ રહ્યો છે.

IPL અને રણજી ટ્રોફીમાં જોરદાર રમત દેખાડનાર રજત પાટીદાર, શાહબાઝ અહેમદ પણ ન્યુઝીલેન્ડ-A સામેની ODI સીરીઝમાં પણ જોવા મળશે. ટીમ ઈન્ડિયા તરફથી રમવાનો સારો અનુભવ ધરાવતા શાર્દુલ ઠાકુર, નવદીપ સૈની, રુતુરાજ ગાયકવાડ અને પૃથ્વી શો જેવા ખેલાડીઓને પણ ઈન્ડિયા-એમાં સ્થાન આપવામાં આવ્યું છે. તમને જણાવી દઈએ કે, ઇન્ડિયા-A અને ન્યુઝીલેન્ડ A વચ્ચેની ત્રણેય મેચ ચેન્નાઈના એમએ ચિદમ્બરમ સ્ટેડિયમમાં રમાશે. પ્રથમ મેચ 22 સપ્ટેમ્બર, બીજી મેચ 25 સપ્ટેમ્બર અને ત્રીજી વનડે 27 સપ્ટેમ્બરે રમાશે.

આવી છે ઇન્ડિયા-એ ટીમ : પૃથ્વી શો, અભિમન્યુ ઇશ્વરન, રુતુરાજ ગાયકવાડ, રાહુલ ત્રિપાઠી, રજત પાટીદાર, સંજુ સેમસન (કેપ્ટન), કેએસ ભરત (વિકેટમેન), કુલદીપ યાદવ, શાહબાઝ અહેમદ, રાહુલ ચાહર, તિલક વર્મા, કુલદીપ સેન, શાર્દુલ ઠાકુર, ઉમરાન મલિક, નવદીપ સૈની, રાજ અંગજ બાવા.