ભારત અને સાઉથ આફ્રિકા વચ્ચે T20 શ્રેણી રમાઈ રહી છે. ભારતનો ઝડપી બોલર જસપ્રીત બુમરાહ આ સીરીઝમાંથી બહાર થઈ ગયો છે. તેઓ ઈજાગ્રસ્ત થયા છે. તેથી તેના સ્થાને ફાસ્ટ બોલર મોહમ્મદ સિરાજને ટીમમાં સામેલ કરવામાં આવ્યો છે. યુવા બોલર સિરાજે ભારત માટે ઘણા પ્રસંગોએ શાનદાર પ્રદર્શન કર્યું છે. તેને ટી20 વર્લ્ડ કપ 2022 માટે પણ તક મળી શકે છે. BCCI એ ટ્વિટર દ્વારા સિરાજને ટીમમાં સામેલ કરવાની જાણકારી આપી હતી.

બુમરાહ ઈજાના કારણે બહાર જઈ રહ્યો હતો. તે નેશનલ ક્રિકેટ એકેડમીમાં ફિટનેસ પર કામ કરી રહ્યો હતો. આ પછી તેને ઓસ્ટ્રેલિયા સામે રમાયેલી ટી-20 સીરીઝ માટે ટીમ ઈન્ડિયામાં સામેલ કરવામાં આવ્યો હતો. બુમરાહ બીજી અને ત્રીજી ટી20 મેચ રમ્યો હતો. પરંતુ તે પછી તેને પીઠની ઈજાને કારણે તેને તકલીફ થવા લાગી હતી. તે સાઉથ આફ્રિકા સામેની પ્રથમ ટી-20 મેચમાં રમી શક્યો નહોતો. હવે બુમરાહ આઉટ થતા સિરાજને તક આપવામાં આવી છે.

મોહમ્મદ સિરાજે ટી20 ફોર્મેટમાં સારું પ્રદર્શન કર્યું છે. તે ઈન્ડિયન પ્રીમિયર લીગ દ્વારા ચમક્યો હતો. આ પછી, તેણે વર્ષ 2017 માં ન્યુઝીલેન્ડ સામે રમીને ટી20 આંતરરાષ્ટ્રીય ડેબ્યૂ કર્યું. સિરાજે અત્યાર સુધીમાં 5 T20 આંતરરાષ્ટ્રીય મેચ રમી છે. આ દરમિયાન તેણે 5 વિકેટ ઝડપી છે. સિરાજે છેલ્લી T20 આંતરરાષ્ટ્રીય મેચ ફેબ્રુઆરી 2022માં શ્રીલંકા સામે રમી હતી. તેણે 10 મેચમાં 13 વિકેટ લીધી છે.

નોંધનીય છે કે, સિરાજ ટી20 વર્લ્ડ કપ 2022 માટે પણ ભારત તક આપી શકે છે. બુમરાહની ગેરહાજરીમાં તેની પાસે ટીમ ઈન્ડિયામાં સામેલ થવાની સારી તક છે. પરંતુ આ માટે સિરાજે દક્ષિણ આફ્રિકા સામેની બાકીની બે ટી-20 મેચોમાં પોતાને સાબિત કરવું પડશે. સાઉથ આફ્રિકા સામેની પ્રથમ T20 મેચમાં ભારત તરફથી અર્શદીપ સિંહ અને દીપક ચહરે શાનદાર બોલિંગ કરી હતી.