આ વર્ષે વનડેમાં સૌથી વધુ સદી ફટકારનાર ખેલાડીઓની યાદીમાં આર્યલેન્ડનો આ ખેલાડીઓ રહ્યો ટોપ પર

આયર્લેન્ડના બેટ્સમેન પોલ સ્ટર્લિંગે આ વર્ષે ODI ક્રિકેટમાં દિગ્ગજ ખેલાડીઓને ખુબ પાછળ છોડી દીધા છે. પોલ સ્ટર્લિંગે વર્ષ 2021 માં સૌથી વધુ ODI સદી ફટકારી છે. તેમ છતાં આયર્લેન્ડે આ વર્ષે મોટી ક્રિકેટ ટીમો કરતાં વધુ વનડે મેચ રમી છે. આ પણ એક કારણ છે કે, ભારત, ઓસ્ટ્રેલિયા અને ઈંગ્લેન્ડ જેવી ટીમોના ટોપ-5 માં કોઈ ખેલાડી નથી જેણે આ વર્ષે વનડેમાં સૌથી વધુ સદી ફટકારી હોય. આ એવા ટોપ-5 બેટ્સમેન છે જેમણે આ વર્ષે વનડેમાં સૌથી વધુ સદી ફટકારી છે.

નંબર 1 પોલ સ્ટર્લિંગ : આ આઇરિશ ઓલરાઉન્ડરે આ વર્ષે ODI ક્રિકેટમાં 3 સદી અને 2 અડધી સદી ફટકારી છે. પોલ સ્ટર્લિંગે 2021માં 14 ODI માં 54 ની એવરેજથી 705 રન બનાવ્યા છે. તે આ વર્ષે ODI ક્રિકેટમાં રન બનાવવાની સાથે-સાથે સદીના મામલે પણ ટોપ પર રહ્યા છે.

નંબર 2 માલાન : સાઉથ આફ્રિકાના યુવા બેટ્સમેન માલાને આ વર્ષે 8 વનડેમાં 2 સદીની સાથે 509 રન બનાવ્યા છે. આ દરમિયાન તેમની રન એવરેજ 84 રહી હતી.

નંબર 3 બાબર આઝમ : પાકિસ્તાનના કેપ્ટન બાબર આઝમે આ વર્ષે 6 ODI માં 67 રનની એવરેજથી 406 રન બનાવ્યા છે. બાબર આઝમે આ વર્ષે 2 ODI સદી પણ ફટકારી છે.

નંબર 4 ફખર જમાન : પાકિસ્તાનના બેટ્સમેન ફખર ઝમાને પણ આ વર્ષે 6 વનડેમાં 2 સદી ફટકારી છે. તેણે આ વર્ષે 60 ની એવરેજથી રન બનાવ્યા છે.

નંબર 5 તામીમ ઈકબાલ : બાંગ્લાદેશના આ ખેલાડીએ આ વર્ષે 12 ODI માં 77 ની એવરેજથી 464 રન બનાવ્યા છે. આ દરમિયાન તેણે એક સદી અને 4 અડધી સદી પણ ફટકારી હતી.