ભારત અને ઓસ્ટ્રેલિયા વચ્ચે T20 સિરીઝની પ્રથમ મેચ મંગળવારે એત્ગલે આજે મોહાલીમાં રમાશે. આ મેચમાં પૂર્વ ભારતીય કેપ્ટન વિરાટ કોહલી પાસેથી સારા પ્રદર્શનની અપેક્ષા રાખવામાં આવશે. એશિયા કપ 2022માં કોહલીએ જોરદાર પ્રદર્શન કર્યું હતું. કોહલીનો ઓસ્ટ્રેલિયા સામે અત્યાર સુધીનો રેકોર્ડ સારો છે. તે ઓસ્ટ્રેલિયા સામે T20 ઈન્ટરનેશનલમાં સૌથી વધુ અડધી સદી ફટકારનાર ભારતીય બેટ્સમેન છે.

કોહલીએ ઓસ્ટ્રેલિયા સામે T20 ફોર્મેટમાં 7 અડધી સદી ફટકારી છે. તે આ મામલે ભારતીય ખેલાડીઓની યાદીમાં ટોચ પર છે. T20 ઈન્ટરનેશનલમાં ટીમ સામે સૌથી વધુ અડધી સદી ફટકારવાના મામલે પણ કોહલી ભારતીય ખેલાડીઓની યાદીમાં બીજા સ્થાને છે. તેણે વેસ્ટ ઈન્ડિઝ સામે 6 અડધી સદી ફટકારી હતી. આ સાથે જ રોહિત શર્માએ પણ આ ટીમ સામે 6 અડધી સદી ફટકારી છે.

કોહલીએ અત્યાર સુધીમાં 104 T20 આંતરરાષ્ટ્રીય મેચ રમી છે અને આ દરમિયાન તેણે 3584 રન બનાવ્યા છે. કોહલીએ આ ફોર્મેટમાં 32 અડધી સદી અને એક સદી ફટકારી છે. T20 ઈન્ટરનેશનલમાં તેમનો સર્વશ્રેષ્ઠ સ્કોર 122 રન રહ્યો છે.

ઉલ્લેખનીય છે કે, ભારત અને ઓસ્ટ્રેલિયા વચ્ચે ત્રણ મેચની T20 સિરીઝ રમાવાની છે. આ સીરીઝની પ્રથમ મેચ 20 સપ્ટેમ્બરે મોહાલીમાં રમાશે. જ્યારે સીરીઝની છેલ્લી મેચ 25 સપ્ટેમ્બરે હૈદરાબાદમાં રમાશે. આ પછી દક્ષિણ આફ્રિકા સામે વનડે અને ટી-20 સીરીઝ રમાશે. ટીમ ઈન્ડિયા આ મેચોમાં પોતાનું પરફેક્ટ રમવા પર ધ્યાન કેન્દ્રિત કરશે. ભારતે વિકેટકીપિંગ માટે ઋષભ પંતની સાથે દિનેશ કાર્તિકની પણ પસંદગી કરી છે. આ બંને ખેલાડીઓની કસોટી કરવામાં આવશે.