ભારત સામેની જીત સાથે મહેંદી હસન અને મુસ્તાફિઝુરે રચ્યો ઈતિહાસ, તેમના નામે આ ખાસ રેકોર્ડ

બાંગ્લાદેશે ટીમ ઈન્ડિયાને મીરપુર ODI માં હરાવી દીધું છે. આ રીતે બાંગ્લાદેશની ટીમ 3 વનડે સીરીઝમાં 1-0 થી આગળ થઈ ગઈ છે. બંને ટીમો વચ્ચેની આ મેચ ખૂબ જ રોમાંચક બની હતી અને યજમાન બાંગ્લાદેશે આ મેચ 1 વિકેટથી જીતી લીધી હતી. આ મેચમાં બાંગ્લાદેશની જીતનો હીરો મેહદી હસન મિરાજ રહ્યો હતો, જ્યારે છેલ્લી વિકેટ તરીકે તેની સાથે બેટિંગ કરવા આવેલા મુસ્તફિઝુરે પણ તેને સારો સાથ આપ્યો હતો અને ટીમને મેચ જીતાડવા માં આવી હતી.

બાંગ્લાદેશ માટે મેહદી હસન મિરાજ અને મુસ્તાફિઝુરે ઈતિહાસ રચીને એક મોટો રેકોર્ડ પોતાના નામે કર્યો છે. વાસ્તવમાં, પ્રથમ વનડેમાં, બંનેએ સાથે મળીને ભારત સામે 10મી વિકેટ માટે 51 રનની મેચ વિનિંગ ભાગીદારી રમી હતી. બાંગ્લાદેશ તરફથી વનડેમાં ભારત સામે 10મી વિકેટ માટે આ સૌથી મોટી ભાગીદારી હતી. અગાઉ વર્ષ 2003માં બાંગ્લાદેશે ભારત સામે વનડેમાં 10મી વિકેટ માટે 25 રનની ભાગીદારી કરી હતી.

આ મેચમાં 9 વિકેટ પડ્યા બાદ મેહદી હસને ટીમ માટે મહત્વપૂર્ણ ઇનિંગ રમી હતી. બાંગ્લાદેશે 136 રનમાં હસન મહમૂદના રૂપમાં 9મી વિકેટ ગુમાવી હતી. આ પછી મેહદી હસને ઈનિંગ્સને સંભાળતા સંભાળીને ટીમને જીત સુધી પહોંચાડી હતી. 9 વિકેટ બાદ ક્રિઝ પર બેટિંગ કરવા આવેલા મુસ્તફિઝુર રહમામે પણ મેહદી હસનને ખૂબ જ સારો સાથ આપ્યો હતો. આ દરમિયાન તેણે 11 બોલમાં 2 ચોગ્ગાની મદદથી 10 રન બનાવ્યા હતા. તે જ સમયે, મેહદીએ આ મેચમાં અણનમ 38 રન બનાવ્યા હતા. મહેદી હસન અને મુસ્તાફિઝુરે 10મી વિકેટ માટે 51 રનની મેચ વિનિંગ ભાગીદારી રમી હતી. બંનેએ ભારતીય બોલરોને એક પણ તક આપી ન હતી અને આ મેચ બાંગ્લાદેશને આ મેચ જીતાડી દીધી હતી.