આખરે ન્યુઝીલેન્ડે 2022 T20 વર્લ્ડ કપ માટે તેની ટીમની જાહેરાત કરી છે. અપેક્ષા મુજબ કેન વિલિયમસન ન્યુઝીલેન્ડ ટીમનો કેપ્ટન રહેશે જ્યારે ઓપનર માર્ટિન ગુપ્ટિલ રેકોર્ડ સાતમી વખત T20 વર્લ્ડ કપ રમશે. આ સિવાય ફિન એલન અને માઈકલ બ્રેસવેલને પણ વર્લ્ડ કપ ટીમમાં જગ્યા મળી છે.

ફાસ્ટ બોલર એડમ મિલ્નેનો પણ 15 સભ્યોની ટીમમાં સમાવેશ કરવામાં આવ્યો છે. નોંધનીય છે કે, લોકી ફર્ગ્યુસન T20 વર્લ્ડ કપ 2021 દરમિયાન ઈજાગ્રસ્ત થયો હતો, ત્યારબાદ એડમ મિલને કીવી ટીમમાં સામેલ કરાયો હતો. વેસ્ટ ઈન્ડિઝ સામેની તાજેતરની સીરીઝમાં પ્રભાવિત કરનાર વિકેટકીપર ડેવોન કોનવેને કિવી ટીમમાં સામેલ કરવામાં આવ્યો છે જ્યારે ટી-20 વર્લ્ડ કપ 2021 માં ન્યૂઝીલેન્ડની ટીમનો ભાગ રહેલા ફાસ્ટ બોલર કાઈલ જેમિસનને ટીમમાં સામેલ કરવામાં આવ્યો નથી. આ સિવાય ટોડ એસ્ટલ અને ટિમ સીફર્ટને પણ જગ્યા મળી નથી.

જો કે ટી20 વર્લ્ડ કપ 2022 પહેલા ન્યુઝીલેન્ડની ટીમ ત્રિકોણીય સીરીઝ રમશે. આ સિરીઝમાં ન્યૂઝીલેન્ડ ઉપરાંત પાકિસ્તાન અને બાંગ્લાદેશની ટીમો હશે. તે જ સમયે, આ ત્રિકોણીય સીરીઝની પ્રથમ મેચ 7 ઓક્ટોબરે ક્રાઇસ્ટચર્ચમાં પાકિસ્તાન અને બાંગ્લાદેશ વચ્ચે રમાશે. વાસ્તવમાં આ સીરીઝની 7 મેચો આગામી 8 દિવસમાં રમાશે. ત્યાર બાદ કેન વિલિયમસનની કપ્તાનીમાં ન્યુઝીલેન્ડની ટીમ 15 ઓક્ટોબરે ઓસ્ટ્રેલિયા માટે રવાના થશે. ન્યુઝીલેન્ડના કોચ ગેરી સ્ટેડે જણાવ્યું છે કે, ટી-20 વર્લ્ડ કપ 2022 માટે ટીમની જાહેરાત કરી દેવામાં આવી છે. હું ટીમના તમામ 15 ખેલાડીઓને અભિનંદન આપવા માંગુ છું. નોંધનીય છે કે, T20 વર્લ્ડ કપ 2022 ઓસ્ટ્રેલિયામાં 16 ઓક્ટોબરથી શરૂ થઈ રહ્યો છે.

ટી20 વર્લ્ડ કપ અને ટ્રાઇ સિરીઝ માટે ન્યુઝીલેન્ડની ટીમ – કેન વિલિયમસન (કેપ્ટન), ફિન એલન, ટ્રેન્ટ બોલ્ટ, માઈકલ બ્રેસવેલ, માર્ક ચેપમેન, ડેવોન કોનવે (વિકેટકીપર), લોકી ફર્ગ્યુસન, માર્ટિન ગુપ્ટિલ, એડમ મિલ્ને, ડેરીલ મિશેલ, જેમ્સ નીશમ, ગ્લેન ફિલિપ્સ, મિશેલ સેન્ટનર, ઈશ સોઢી, ટિમ સાઉથી.