સંકેત સરગરે વેઈટલિફ્ટિંગમાં કર્યો કમાલ, ભારત માટે સિલ્વર મેડલ જીત્યો

કોમનવેલ્થ ગેમ્સ 2022માં ભારત માટે સંકેત સરગરે શાનદાર પ્રદર્શન કરતા વેઈટલિફ્ટિંગમાં સિલ્વર મેડલ પ્રાપ્ત કર્યો છે. સંકેતે 55 કિગ્રા વેઈટલિફ્ટિંગ ઈલેવનમાં આ સિદ્ધિ મેળવી હતી. સંકેતે સ્નેચમાં 113 કિલો વજન ઉઠાવ્યો હતો. જ્યારે ક્લીન એન્ડ જર્કમાં 135 કિલો વજન ઉપાડ્યું હતું. આ ઈવેન્ટમાં મલેશિયાના બિન કાસદાન મોહમ્મદે પ્રથમ સ્થાન મેળવ્યું હતું. તેણે ક્લીન એન્ડ જર્કમાં 142 કિલો વજન ઉપાડ્યું હતું.

સંકેત બર્મિંગહામમાં ચાલી રહેલી કોમનવેલ્થ ગેમ્સમાં ગોલ્ડ મેડલ જીતવાથી ચૂકી ગયો હતો. તેમને ક્લીન એન્ડ જર્કના ત્રીજા પ્રયાસમાં તેને નાની ઈજા થઈ હતી. તેથી જ તે ગોલ્ડ જીતવાથી ચૂકી ગયો હતો. સંકેતે સ્નેચમાં 113 કિલો વજન ઉપાડ્યું હતું. જ્યારે ક્લીન એન્ડ જર્કના પ્રથમ પ્રયાસમાં 135 કિલો વજન ઉપાડ્યું હતું. જ્યારે બીજા અને ત્રીજા પ્રયાસમાં તે સફળ થઈ શક્યો નહોતો.

સંકેતના સિલ્વર મેડલ જીતવા પર દેશની તમામ હસ્તીઓ તેને અભિનંદન પાઠવી રહ્યા છે. આ સંદર્ભે લોકસભા સ્પીકર ઓમ બિરલાએ પણ સંકેતને અભિનંદન પાઠવ્યા હતા. બિરલાએ જણાવ્યું કે, “સંકેતની સફળતાએ દેશમાં ઉત્સાહ વધાર્યો છે. આ મેડલ ગેમ્સના બીજા જ દિવસે અન્ય ખેલાડીઓ માટે પ્રેરણારૂપ બનશે.

મહારાષ્ટ્રના રહેવાસી સાંગલીએ ડિસેમ્બર 2021માં કોમનવેલ્થ ચેમ્પિયનશિપમાં રાષ્ટ્રીય રેકોર્ડ તોડ્યો હતો. તેણે ટુર્નામેન્ટમાં ગોલ્ડ મેડલ જીત્યો હતો. સંકેતે સ્નેચમાં 113 કિલો વજન ઉઠાવીને ગોલ્ડ મેડલ જીત્યો હતો. તે ખેલો ઈન્ડિયા યુથ ગેમ્સ 2020 અને ખેલો ઈન્ડિયા યુનિવર્સિટી ગેમ્સ 2022નો ચેમ્પિયન રહી ચુક્યો છે.