ભારતના ભૂતપૂર્વ બેટિંગ કોચ સંજય બાંગરે કહ્યું છે કે, પ્રભાવશાળી બેટ્સમેન સૂર્યકુમાર યાદવ ભારતીય T20 ક્રિકેટમાં ક્રાંતિ લાવી શકે છે અને ભારતે ભવિષ્યની ટીમ બનાવવા માટે તેમના જેવા વધુ પ્રતિભાશાળી ખેલાડીઓની શોધ કરવી પડશે. ક્રિકેટ કોમેન્ટેટર અને આઈપીએલ ફ્રેન્ચાઈઝી રોયલ ચેલેન્જર્સ બેંગ્લોરના મુખ્ય કોચે કહ્યું કે, ઓસ્ટ્રેલિયામાં ચાલી રહેલા ટી20 વર્લ્ડ કપમાં ઈંગ્લેન્ડની સફળતા તેમની લાઈન-અપ માટે યોગ્ય હતી કારણ કે ટીમ પાસે હાલમાં ઓલરાઉન્ડર છે.

સેમિફાઇનલમાં ભારતને 10 વિકેટે હરાવ્યા બાદ MCG ખાતે T20 વર્લ્ડ કપ ફાઇનલમાં ઇંગ્લેન્ડનો મુકાબલો પાકિસ્તાન સામે થશે, જેમાં સુકાની જોસ બટલરના અણનમ 80 અને એલેક્સ હેલ્સના અણનમ 86 રનથી ભારતના બોલરોની ધજ્યા ઉડાવી દીધી હતી. બાંગરે સ્ટાર સ્પોર્ટ્સને કહ્યું, “સૂર્યકુમાર યાદવ એવો ખેલાડી છે જે ભારતીય T20 ક્રિકેટમાં ક્રાંતિ લાવશે. તમારે ઈંગ્લેન્ડની ટીમની જેમ તેના જેવા વધુ સારા ખેલાડીઓ શોધવા પડશે.”

32 વર્ષીય સૂર્યકુમારે મેગા ટૂર્નામેન્ટમાં છ મેચમાં 189.68 ના સ્ટ્રાઈક રેટથી 239 રન બનાવ્યા હતા. ભૂતપૂર્વ કોચને લાગ્યું છે કે, સૂર્યકુમારની આસપાસ શોટ રમવાની ક્ષમતા વધુ ક્રિકેટરોને પ્રેરણા આપશે. “જે ખેલાડીઓ તેમના શોટ વડે વિકેટની બંને બાજુએ નિશાન બનાવી શકે છે, સ્વીચ હિટ રમી શકે છે, રિવર્સ સ્વીપ કરી શકે છે અને મને લાગે છે કે આવા ખેલાડીઓને વધુ પ્રોત્સાહિત કરવામાં આવશે. તેમની પાસે જેટલા વધુ વિકલ્પો છે, તે તમામ પ્રકારના શોટ રમે છે. તે એક પ્રેરણા છે અને ભવિષ્યમાં તમે આના જેવા રમતા વધુ ખેલાડીઓ જોશે.”

50 વર્ષીય ભૂતપૂર્વ ખેલાડીએ કહ્યું કે સૂર્યકુમાર ‘ઓલરાઉન્ડ બેટ્સમેન’ છે અને તેણે વિદેશી પરિસ્થિતિઓમાં દબાણમાં પ્રદર્શન કરવા બદલ તેની પ્રશંસા કરી. તેમણે જણાવ્યું કે, “તે સંપૂર્ણ રીતે ઓલરાઉન્ડર બેટ્સમેન બની ગયો છે. એક સમય હતો જ્યારે સૂર્યકુમાર યાદવ માત્ર ફાઈન લેગ પર શોટ રમવા માટે જાણીતો હતા. હવે તેની રેન્જ વધી ગઈ છે, તેનું કદ વધી ગયું છે.”