ભારતીય ક્રિકેટ ટીમ આવતા મહિને ડિસેમ્બરમાં બાંગ્લાદેશનો પ્રવાસ કરશે. ટીમ ઈન્ડિયા આ પ્રવાસમાં 3 વનડે અને 2 ટેસ્ટ મેચની સીરીઝ રમશે. ભારતીય ટીમના આ પ્રવાસની શરૂઆત 4 ડિસેમ્બરથી ODI મેચોથી થશે. જ્યારે આ સીરીઝની શરૂઆત પહેલા ટીમ ઈન્ડિયાને મોટો ઝટકો લાગ્યો છે. વાસ્તવમાં, ટીમનો સ્ટાર ઓલરાઉન્ડર રવિન્દ્ર જાડેજા ઈજાના કારણે આ શ્રેણીમાંથી બહાર થઈ ગયો છે. તેના સ્થાને હવે સૂર્યકુમાર યાદવને ટેસ્ટ ડેબ્યૂ કરવાની તક મળી શકે છે.

પ્રાપ્ત માહિતી મુજબ, બીસીસીઆઈના એક સૂત્રએ જણાવ્યું છે કે ‘જાડેજા અનેકવાર ચેકઅપ અને રિહેબ માટે NCA ગયા હતા. પરંતુ અત્યારે એવી શક્યતા નથી કે, તે બાંગ્લાદેશ પ્રવાસ પરની શ્રેણી માટે ફિટ થશે. જાડેજાની બાદબાકી બાદ સૂર્યકુમાર યાદવને ટીમમાં સામેલ કરવાની ચર્ચા ચાલી રહી છે. જો સૂર્યાને તક મળશે તો તે T20 અને ODI બાદ ભારત માટે ટેસ્ટ ડેબ્યૂ પણ કરશે. જોકે બોર્ડ દ્વારા હજુ સુધી તેમના નામની જાહેરાત કરવામાં આવી નથી.

તમને જણાવી દઈએ કે, સૂર્યકુમાર યાદવ હાલમાં વિશ્વ ક્રિકેટમાં નંબર વન બેટ્સમેન છે. તેનું વર્તમાન ફોર્મ પણ અદ્ભુત છે. હાલમાં જ ન્યુઝીલેન્ડ સામેની બીજી T20 મેચમાં ભારત તરફથી તેમને સદીની ઇનિંગ રમી હતી.

બાંગ્લાદેશ પ્રવાસ માટે ભારતની ODI ટીમ : રોહિત શર્મા (કેપ્ટન), લોકેશ રાહુલ, શિખર ધવન, વિરાટ કોહલી, રજત પાટીદાર, શ્રેયસ અય્યર, રાહુલ ત્રિપાઠી, ઋષભ પંત (વિકેટકીપર), ઈશાન કિશન (વિકેટકીપર), રવિન્દ્ર જાડેજા, અક્ષર પટેલ, વોશિંગ્ટન સુંદર, શાર્દુલ ઠાકુર, મોહમ્મદ શમી, મોહમ્મદ સિરાજ, દીપક ચાહર, યશ દયાલ.

બાંગ્લાદેશ પ્રવાસ માટે ભારતની ટેસ્ટ ટીમ

રોહિત શર્મા (કેપ્ટન), લોકેશ રાહુલ, શુભમન ગિલ, ચેતેશ્વર પુજારા, વિરાટ કોહલી, શ્રેયસ અય્યર, ઋષભ પંત (વિકેટકીપર), કેએસ ભરત (વિકેટકીપર), રવિન્દ્ર જાડેજા, રવિચંદ્રન અશ્વિન, અક્ષર પટેલ, કુલદીપ યાદવ, શાર્દુલ થાડવ, મોધુલ થાક. શમી, મોહમ્મદ. સિરાજ, ઉમેશ યાદવ.