ભારતે વેસ્ટ ઇન્ડીઝને વનડે સીરીઝની ત્રીજી અને છેલ્લી મેચમાં હરાવી સીરીઝ પર 3-0 થી પોતાના નામે કરી લીધી છે. વેસ્ટ ઈન્ડિઝમાં ટીમ ઈન્ડિયા માટે આ મોટી જીત હતી. આ હાર સાથે વેસ્ટ ઈન્ડિઝના નામે એક શરમજનક રેકોર્ડ જોડાઈ ગયો છે. વેસ્ટ ઈન્ડિઝ વનડેમાં સતત 9 મેચ હારી છે અને આ તેની સતત બીજી સૌથી વધુ મેચમાં હાર છે. આ અગાઉ ટીમ વર્ષ 2005 માં સતત 11 વખત હારી હતી.

ત્રિનિદાદમાં રમાયેલી ત્રીજી ODIમાં ભારતે પ્રથમ બેટિંગ કરતા 225 રન બનાવ્યા હતા. જવાબમાં વેસ્ટ ઈન્ડિઝની ટીમ 26 ઓવરમાં 137 રન જ બનાવી શકી હતી. ટીમ ઈન્ડિયાએ આ મેચ ડકવર્થ લુઈસના નિયમ અનુસાર 119 રને જીત મેળવી હતી. વેસ્ટ ઈન્ડિઝની આ સતત 9 મી ODI હાર હતી. આ પહેલા વર્ષ 2005 માં તેને 11 મેચમાં હારનો સામનો કરવો પડ્યો હતો. જ્યારે 1999 થી 2000 વચ્ચે તેને સતત 8 મેચમાં હારનો સામનો કરવો પડ્યો હતો.

વેસ્ટ ઈન્ડિઝ માટે સતત સૌથી વધુ વનડે હાર –

ફેબ્રુઆરી-ઓગસ્ટ 2005 વચ્ચે 11 મેચમાં હાર

જૂન-જુલાઈ 2022 વચ્ચે 9 મેચમાં હાર

ઓક્ટોબર 1999 થી જાન્યુઆરી 2000 વચ્ચે 8 મેચમાં હાર

જુલાઈ 2009 – ફેબ્રુઆરી 2010 વચ્ચે 8 મેચમાં હાર