ભારતીય ટીમના ભૂતપૂર્વ કેપ્ટન અને અનુભવી બેટ્સમેન વિરાટ કોહલીએ તાજેતરમાં પૂરા થયેલા એશિયા કપમાં તેના બેટથી શાનદાર પ્રદર્શન કર્યું હતું. એશિયા કપ પહેલા વિરાટ પોતાના ફોર્મને લઈને સંઘર્ષ કરી રહ્યો હતો. પરંતુ તેણે એશિયા કપમાં પોતાની બેટિંગમાં જબરદસ્ત સુધારો કર્યો અને શાનદાર ફોર્મમાં પરત ફર્યો છે. તેમને એશિયા કપમાં 276 રન બનાવ્યા હતા. વિરાટ કોહલી એશિયા કપમાં બીજો સૌથી વધુ રન બનાવનાર બેટ્સમેન બન્યો હતો.

જ્યારે વિરાટ કોહલીએ એશિયા કપ 2022 માં પોતાનું શાનદાર ફોર્મ દેખાડતા અફઘાનિસ્તાન સામે 122 રનની આક્રમક સદી ફટકારી હતી. એશિયા કપમાં તેના શાનદાર પ્રદર્શનથી તેને ટી20 રેન્કિંગમાં પણ ફાયદો થયો છે. વાસ્તવમાં, વિરાટે ICC T20 બેટિંગ રેન્કિંગમાં 14 સ્થાનનો સુધારો થયો છે.

વિરાટ કોહલીએ એશિયા કપમાં શાનદાર બેટિંગ કરતા કુલ 276 રન બનાવ્યા હતા. જેમાં વિરાટ કોહલીની અફઘાનિસ્તાન સામે 122 રનની તોફાની સદી પણ સામેલ છે. એશિયા કપમાં શાનદાર ફોર્મના કારણે વિરાટ કોહલીએ ICC T20 બેટિંગ રેન્કિંગમાં જબરદસ્ત ફાયદો કર્યો છે. તેમણે 14 સ્થાનની છલાંગ લગાવી છે. હવે તે T20 બેટિંગ રેન્કિંગમાં 15 માં સ્થાને પહોંચી ગયા છે. કોહલીનું જે વિરાટ ફોર્મ એશિયા કપમાં જોવા મળ્યું છે, જો તે આવું જ ચાલુ રાખશે તો તે જલ્દી જ T20 રેન્કિંગમાં પ્રથમ સ્થાને પહોંચી શકે છે.

ક્રિકેટના ત્રણેય ફોર્મેટમાં ભારતના કેપ્ટન રોહિત શર્મા અને અનુભવી બેટ્સમેન વિરાટ કોહલી જ એવા ખેલાડીઓ છે જેઓ બેટ્સમેનોની રેન્કિંગમાં ટોપ-15માં સામેલ છે. ટેસ્ટમાં વિરાટ કોહલી 12મા સ્થાને, રોહિત શર્મા 9મા સ્થાને, વનડેમાં વિરાટ કોહલી અને રોહિત શર્મા અનુક્રમે 5મા અને 6મા સ્થાને છે અને T20માં રોહિત શર્મા અને વિરાટ કોહલી અનુક્રમે 14મા અને 15મા સ્થાને છે. તમને જણાવી દઈએ કે આ બંને સિવાય ભારતના સ્ટાર બેટ્સમેન સૂર્યકુમાર યાદવ T20 રેન્કિંગમાં ચોથા સ્થાન પર રહેલ છે.