ગૂગલે તેની ચેટિંગ એપ Google Hangouts વિશે પહેલાથી જ જાણકારી આપી દીધી છે કે, તે તેને બંધ કરવા જઈ રહ્યું છે. Google Hangouts ને Google Chat દ્વારા બદલવામાં આવી રહ્યું છે. થોડા દિવસો પહેલા એપલના એપ સ્ટોર અને ગૂગલ પ્લે સ્ટોર પરથી ગૂગલ હેંગઆઉટને હટાવી દેવામાં આવ્યું છે.

હવે ગૂગલે જણાવ્યું છે કે, તે ગૂગલ હેંગઆઉટના વેબ વર્ઝનને પણ ગૂગલ ચેટ સાથે રિપ્લેસ કરી રહ્યું છે. તેનો અર્થ એ છે કે, તમે હવે Google Hangouts ના વેબ સંસ્કરણનો ઉપયોગ કરી શકશો નહીં. 1 લી નવેમ્બરથી શરૂ થઈ રહી છે. તમને જણાવી દઈએ કે Google+ ની સાથે Google Hangouts વર્ષ 2013 માં લોન્ચ કરવામાં આવ્યું હતું.

ગૂગલ એપ દ્વારા યુઝર્સને ગૂગલ હેંગઆઉટના તમામ વર્ઝનને બંધ કરવા વિશે માહિતી આપી રહ્યું છે. ગૂગલ તેના યુઝર્સને ગૂગલ હેંગઆઉટનો ડેટા પણ ડાઉનલોડ કરવા માટે કહી રહ્યું છે, જો કે તેને ડેટા ડાઉનલોડ કરવા માટે 1 જાન્યુઆરી, 2023 સુધીનો સમય મળશે.

અહીં એક વાતનું ખાસ ધ્યાન રાખવું કે, જો તમે Google Hangouts માંથી તમારી ચેટ ડિલીટ  કરો છો તો ગુગલ ચેટથી પણ તમારી ચેટ ડીલીટ થઈ જશે, તેમ છતાં આ શક્ય છે જ્યારે તમે પોતાના હેગઆઉટ વાળા ચેટને ગુગલ ચેટમાં મૂવ કરી હોય.

Google Chat સાથે શ્રેષ્ઠ અનુભવનો દાવો કર્યો છે. આ સિવાય ગૂગલે એમ પણ જણાવ્યું છે કે, તેની નવી ચેટિંગ એપ ગૂગલ ચેટમાં ઘણી આધુનિક સુવિધાઓ ઉપલબ્ધ થશે. ગૂગલ ચેટ એપ અને વેબ વર્ઝનમાં યુઝર્સને ચેટિંગ માટે જીઆઈએફ અને ઈમોજીની સુવિધા પણ મળશે.