ઇન્સ્ટાગ્રામે આ કારણોસર પોતાનું નવું ફીચર પરત ખેંચ્યું…..

ઇન્સ્ટાગ્રામે તાજેતરમાં એક નવું ફીચર બહાર પાડ્યું હતું, જેના પછી તેને ઘણો મજાક ઉડાવવામાં આવ્યો હતો. નવા ફીચરને લઈને એવું કહેવામાં આવી રહ્યું હતું કે, ઇન્સ્ટાગ્રામે ટિકટોકના ફીચરની નકલ કરી છે. ઈન્સ્ટાગ્રામના આ ફેરફારની કાઈલી જેનર અને કિમ કાર્દાશિયન જેવી પ્રભાવશાળી હસ્તીઓ દ્વારા પણ ટીકા કરવામાં આવી હતી.

Instagram એ નવા ફીચર તરીકે ફુલ સ્ક્રીન વિડિયો ફીડ રીલીઝ કર્યું હતું, જે મોટાભાગે Tiktok જેવું હતું, જ્યારે Instagram પાસે પહેલાથી જ આવા વિડીયો માટે Instagram Reels છે. નવા ફેરફાર પછી, લોકોએ ફરિયાદ કરી હતી કે, તેઓને અજાણ્યા લોકોની પોસ્ટ્સ મર્યાદા કરતા વધુ જોવા મળી રહી છે.

નવા ફીચર અંગે મેટાએ એક નિવેદનમાં જણાવ્યું હતું કે, ‘અમને નવા ફેરફાર વિશે સમજાયું છે કે, તેમાં વધુ ફેરફારોની જરૂરીયાત છે. અમે માનીએ છીએ કે, વિશ્વના તમામ ફેરફારોમાં Instagram સામેલ થશે. અમને નવા ફેરફારો માટે થોડો સમય જોઈએ છે. આવી સ્થિતિમાં, પ્રથમ વખત આવું થઈ રહ્યું છે જ્યારે મેટા તેની કોઈપણ એપ્લિકેશનમાંથી કોઈપણ સુવિધાને પાછી ખેંચી રહ્યું છે.

ઇન્સ્ટાગ્રામના ચીફ એડમ મોસેરીએ તાજેતરમાં એક વીડિયો પોસ્ટ દ્વારા નવા ફીચર વિશે જાણકારી આપી હતી. નવા ફેરફાર હેઠળ, હવે Instagram માં + વાળા બટન પર ક્લિક કર્યા બાદ નીચે વધુ રીલ્સ, ફીડ, પોસ્ટ વગેરેના વિકલ્પ આવી રહ્યા છે, જ્યારે પ્રથમ + પર ક્લિકની સાથે ઉપરની તરફ આ બધા બટન જોવા મળ્યા હતા.

નવા ફીચરને લઈને યુઝર્સ ખૂબ નારાજ છે. તેણે ઇન્સ્ટાગ્રામના ડેવલપર્સને ઇન્સ્ટાગ્રામ ઇન્સ્ટાગ્રામ ફરીથી બનાવવાની વિનંતી કરી છે. હવે ઇન્સ્ટાગ્રામે આ ફીચર પાછું ખેંચી લીધું છે અને ટૂંક સમયમાં એક નવું અપડેટ બહાર પાડવામાં આવશે. મેટાએ તાજેતરમાં ફેસબુક એપનું ઈન્ટરફેસ Tiktok જેવું જ બનાવ્યું છે.