ચા અને આપણા દેશના લોકો વચ્ચે ઘણો ઊંડો સંબંધ છે. આપણા દેશમાં એવા ઘણા લોકો છે જેની સવારની શરૂઆત ચાના કપથી જ થાય છે. સમય જતાં, ચા પીવાની રીત પણ બદલાતી જય રહી છે. હવે લોકો સવારે બેડ ટી પીવાનું પણ પસંદ કરે છે. હવે તો લોકો બ્રશ કર્યા વિના પલંગ પર જ ચાની ચૂસકી લગાવી રહ્યા છે. દેશની લગભગ 80 થી 90 ટકા લોકો સવારે ઉઠતાની સાથે જ ચા પીવાનું પસંદ કરે છે. તેઓ ચાના સ્વાદ સાથે કોઈ સમાધાન કરવા ઇચ્છતા નથી. ચા પ્રેમીઓનું માનવું છે કે ચાની એક ચુસ્કી માં ઉર્જા હોય છે. તેઓ માને છે કે ચા આખા દિવસનો થાક ઉતારવામાં ઘણી મદદગાર સાબિત થાય છે. આજે અમે તમને એક એવી મહિલા વિશે જણાવવા જઈ રહ્યા છીએ જે ફક્ત ચા પીને જ જીવે છે. તમને જાણીને આશ્ચર્ય થશે કે આ મહિલા છેલ્લા 33 વર્ષથી ચા જ પી રહી છે. આથી તેનું નામ ‘ચાઈ વાલી આંટી’ પાડ્યું છે.

ડૉક્ટરો પણ છે હેરાન

એક રિપોર્ટ અનુસાર, 33 વર્ષથી આ મહિલા ફક્ત ચા પીને જ જીવે છે. આ મહિલા કોરીયા જિલ્લાના બાઇકુંઠપુર વિકાસખણ્ડ બરડિયા ગામની રહેવાસી છે. આ મહિલાનું નામ પલ્લી દેવી છે. પરંતુ આજુબાજુના વિસ્તારમાં, તે ચાય ચાલી આંટી તરીકે ખૂબ પ્રખ્યાત છે. તમને જાણીને આશ્ચર્ય થાય છે કે છેલ્લા 33 વર્ષથી, તે ફક્ત ચા પીને જ જીવે છે. જો કે તે સંપૂર્ણ સ્વસ્થ પણ છે. ડોક્ટરો પણ આ મહિલાને જોઈને આશ્ચર્યચકિત થઈ ગયા છે.

‘ચાઈ વાલી આંટી’ ના નામથી છે પ્રખ્યાત

પલ્લી દેવીને સ્થાનિક લોકો ઘણા નામથી ઓળખે છે જેમ કે ‘ચાય વાલી ચાચી’ અથવા ‘ચાય વાલી આંટી’ વગેરે. લોકોનું કહેવું છે કે તે ખરેખર ચોંકાવનારી વાત છે કે છેલ્લા ઘણા વર્ષોથી તે ફક્ત ચા પીને જ જીવે છે. ખાસ વાત એ છે કે તે પીવા સિવાય કંઇ ખાતી નથી.

બાળપણમાં જ છોડી દીધું હતું ખાવાનું

44 વર્ષીય પલ્લી દેવીના પિતાનું કહેવું છે કે 6-છઠા ધોરણમાં હતી ત્યારે તેણે જમવાનું બંધ કરી દીધું હતું. નાનપણમાં તે ચા સાથે બિસ્કીટ, બ્રેડ ખાતી હતી. પછી તેને ધીમે ધીમે બધું ખાવાનું છોડી દીધું. હવે તે ફક્ત ચા જ પીવે છે. એક ઇન્ટરવ્યૂમાં પલ્લી દેવીએ કહ્યું હતું કે હવે તેને ભૂખ લાગતી જ નથી. દિવસ પૂરો થતા તે લાલ ચા પી લે છે.