નાસાનું ઓરિયન અવકાશયાન ચંદ્ર મિશન પૂર્ણ કરીને પૃથ્વી તરફ રવાના થયું છે. નાસાનું ઓરિયન અવકાશયાન સોમવારે ચંદ્રની નજીકથી પસાર થયું હતું અને પૃથ્વી પર પાછા ફરવા માટે ગુરુત્વાકર્ષણ સહાયનો ઉપયોગ કર્યો હતો, જે આર્ટેમિસ-1 મિશન માટે પરત ફરવાની શરૂઆત દર્શાવે છે.

નાસાના ક્રુડ વગરના ઓરિઅન અવકાશયાન તેના સૌથી નજીકના બિંદુથી 80 માઈલ (130 કિલોમીટર) કરતા ઓછા અંતરે ઉડાન ભરી હતી. જો કે, આ સમય દરમિયાન કેપ્સ્યુલ ચંદ્રની નજીક આવતાં તેની સાથે 30 મિનિટ સુધી વાતચીતમાં વિક્ષેપ પડ્યો હતો.

ઓરિઅન પ્રોગ્રામના ડેપ્યુટી મેનેજર ડેબી કોર્થે જણાવ્યું હતું કે, અમે અવકાશયાન કેવી રીતે પ્રદર્શન કરી રહ્યું છે તેનાથી વધુ ખુશ થઈ શકતા નથી. તેણે કહ્યું કે એકવાર સંચાર પુનઃસ્થાપિત થઈ ગયા પછી, તેની સ્ક્રીન પર અદભૂત ફૂટેજ ચમક્યા. રૂમમાં દરેક વ્યક્તિ આ ફૂટેજ જોતી રહી. તેમણે કહ્યું કે આ ક્ષણ જણાવે છે કે આપણે ચંદ્રને અલવિદા કહી રહ્યા છીએ.

જણાવી દઈએ કે સોમવાર મિશનનો છેલ્લો દિવસ હતો. નાસાનું મેગા મૂન રોકેટ SLS 16 નવેમ્બરે ફ્લોરિડાથી ઉપડ્યું. શરૂઆતથી અંત સુધી, આ યાત્રા લગભગ સાડા 25 દિવસ સુધી ચાલી હતી. નોંધનીય છે કે ઓરિઅન અવકાશયાન 11 ડિસેમ્બર, રવિવારે સ્થાનિક સમય અનુસાર સવારે 9:40 વાગ્યે સેન ડિએગોથી દૂર પ્રશાંત મહાસાગરમાં ઉતરી શકે છે. જે બાદ તેને યુએસ નેવીના જહાજ પર બેસાડવામાં આવશે.