રશિયા પાસે વિશ્વની એક સૌથી શક્તિશાળી અને સૌથી મોટી સેના છે, પરંતુ અત્યાર સુધીના યુક્રેન પરના આક્રમણમાં એવું બિલકુલ લાગ્યું નથી. યુક્રેન-રશિયા યુદ્ધમાં અત્યાર સુધીમાં 150,000 લોકો માર્યા ગયા છે અને લગભગ 45,000 ઘાયલ થયા છે તેવું યુનાઇટેડ સ્ટેટ્સનું અનુમાન છે. CIAના ડાયરેક્ટર વિલિયમ બર્ન્સે બુધવારે કહ્યું કે કિવમાં મૃત્યુઆંક ઓછો નથી.

રોઇટર્સમાં છપાયેલા સમાચાર અનુસાર – કોલોરાડોમાં એસ્પેન સિક્યોરિટી ફોરમમાં બર્ન્સે કહ્યું કે યુએસ ઇન્ટેલિજન્સનાં અનુમાન અનુસાર – 15,000 (રશિયન સૈનિકો) માર્યા ગયા છે અને લગભગ 45,000 ઘાયલ થયા છે. રશિયાએ પ્રથમ ભૂલ યુક્રેનની પ્રતિકારની શક્તિને ઓછી આંકવાની કરી હતી. રશિયાએ એવું માની લીધું કે યુક્રેન પાસે મર્યાદિત ક્ષમતાઓ સાથેની નાનકડી સેના છે. યુક્રેન પણ સહન કર્યું છે – કદાચ થોડું ઓછું, પરંતુ ત્યાં મૃત્યુઆંક ઓછો થયો નથી.

રશિયાના આક્રમણની શરૂઆતમાં તેને હવાઈહુમલામાં નોંધપાત્ર ફાયદો થયો હતો અને તે યુક્રેનના સરહદી વિસ્તારોમાં હવાઈ હુમલાઓ કરી રહ્યું હતું, કારણ કે રશિયાના ત્રણની સામે યુક્રેન પાસે માત્ર એક જ જહાજ છે. રશિયાએ દાવો કર્યો છે કે તેના સૈનિકોએ યુક્રેનમાં હથિયારોના મોટા કન્સાઈનમેન્ટનો નાશ કર્યો છે. આ હથિયારો પશ્ચિમી દેશો દ્વારા યુક્રેનની મદદ માટે મોકલવામાં આવ્યા હતા.