China Coronavirus Cases: ચીનમાં ફરી એકવાર કોરોના વાયરસ ઝડપથી ફેલાઈ રહ્યો છે. પાડોશી દેશના ઘણા શહેરોમાં કોરોનાના નવા કેસોમાં વધારો જોવા મળી રહ્યો છે. ચીનના નેશનલ હેલ્થ કમિશન દ્વારા જાહેર કરવામાં આવેલા આંકડા મુજબ દેશમાં અચાનક કેસોમાં વધારો થઈ રહ્યો છે અને તેના કારણે છેલ્લા 24 કલાકમાં કોરોનાના 32,943 નવા કેસ નોંધાયા છે.

ચીનમાં કોરોનાના વધતા પ્રકોપનો અંદાજ એ વાત પરથી લગાવી શકાય છે કે ગઈકાલની સરખામણીમાં દેશમાં કોરોનાના 1200થી વધુ નવા કેસમાં વધારો થયો છે. ગુરુવારે ચીનમાં કોરોનાના 31,656 નવા કેસ નોંધાયા હતા જ્યારે આજે 32943 કેસ મળી આવ્યા છે. 24 નવેમ્બર સુધીમાં, ત્યાં કોવિડ-19ના 3,103 લક્ષણવિહીન કેસો હતા જ્યારે 29,840 એસિમ્પટમેટિક કેસ હતા.

કોરોનાના કેસ વધતાની સાથે જ ચીનની સરકારે ટેસ્ટિંગ વધારી દીધું છે. જયારે, વધતા જતા કેસોને ધ્યાનમાં રાખીને, દેશમાં પ્રતિબંધો વધારવામાં આવ્યા છે અને બેઇજિંગમાં શાળાઓ બંધ કરવામાં આવી છે. કેસો ઘટાડવા માટે રાજધાનીમાં બહારથી આવતા લોકો પર પણ અનેક નિયંત્રણો લાદવામાં આવ્યા છે. બહારથી આવતા લોકોએ હવે તેમનો ત્રણ દિવસ જૂનો કોરોના રિપોર્ટ બતાવવો પડશે. ગુઆંગઝુના બાયયુનમાં સરકારે લોકડાઉન પણ લાદી દીધું છે.

ચીનમાં જેમ-જેમ કોરોનાના કેસ વધી રહ્યા છે, તેમ-તેમ કોરોનાને રોકવા માટે ચીન સરકારની તૈયારીઓ સામે આવી રહી છે. ચીનની સરકાર દ્વારા વાયરસને કાબૂમાં લેવા માટે અપનાવવામાં આવેલી ઝીરો કોવિડ નીતિ પહેલાથી જ નિષ્ફળ ગઈ છે. ઝીરો કોવિડ પોલિસી હેઠળ, સરકારે વિચાર્યું હતું કે લોકોને બળજબરીથી તેમના ઘરોમાં કેદ રાખવાથી, તે કોરોનાને નિયંત્રિત કરશે, પરંતુ આનાથી માત્ર લોકો પરેશાન થયા.