Twitter Blue હાલમાં નહિ આવે પાછું, એલોન મસ્કે જણાવ્યું તેનું કારણ

એલોન મસ્કે મંગળવારે જાહેરાત કરી હતી કે ટ્વિટરની પેઇડ વેરિફાઇડ બ્લુ ટિક સર્વિસ ‘ટ્વિટર બ્લુ’નું ફરીથી લોંચ અસ્થાયી રૂપે સ્થગિત કરવામાં આવ્યું છે અને જ્યાં સુધી ખોટી માહિતી રોકવાનો વિશ્વાસ ન આવે ત્યાં સુધી તે સમય માટે બંધ રહેશે. આ સાથે મસ્કે વધુમાં જણાવ્યું હતું કે શક્ય હોય ત્યાં સુધી સંસ્થાઓ અને વ્યક્તિઓ માટે અલગ-અલગ રંગીન વેરિફિકેશન ટિક કરવામાં આવશે.

ટ્વિટરને હસ્તગત કર્યા પછી, મસ્કે કંપનીની આવક વધારવા માટે ટ્વિટર બ્લુ સેવા શરૂ કરી, જેમાં કોઈપણ વ્યક્તિ ફક્ત $8 મહિનામાં ખર્ચ કરીને બ્લુ ટિક લઈ શકે છે. આ પછી, એક વ્યક્તિએ અમેરિકન ફાર્મા કંપની એલી લિલી (LLY)ના નામે નકલી ટ્વિટર એકાઉન્ટ બનાવ્યું અને $8 ચૂકવીને તેનું વેરિફિકેશન કરાવ્યું.

આ નકલી એકાઉન્ટમાંથી એક ટ્વિટ કે કંપની દ્વારા વેચવામાં આવેલ ઇન્સ્યુલિન હવે લોકો માટે મફતમાં ઉપલબ્ધ થશે, જેના કારણે કંપનીના શેરના ભાવમાં 4.37 ટકાનો ઘટાડો થયો, કંપનીનું બજાર મૂલ્ય $15 બિલિયન ઘટી ગયું. જયારે, અન્ય ઘણા લોકોએ પણ પ્રખ્યાત લોકો અને સંસ્થાઓના નામ પર આ કરવાનું શરૂ કર્યું, ત્યારબાદ ટ્વિટર દ્વારા તાત્કાલિક અસરથી બ્લુ ટિક સેવા બંધ કરી દેવામાં આવી.

સતત વધી રહી છે ટ્વિટર યુઝર્સની સંખ્યા

મસ્કએ અન્ય એક ટ્વિટમાં કહ્યું કે ટ્વિટરનો ઉપયોગ સર્વકાલીન ઉચ્ચ સ્તરે છે. છેલ્લા અઠવાડિયામાં, 16 લાખ વપરાશકર્તાઓ પ્લેટફોર્મ સાથે જોડાયા છે. 20 નવેમ્બરે વિશ્વમાં ટ્વિટર યુઝર્સની સંખ્યા 259 મિલિયનને વટાવી ગઈ છે.